Vizita e parë e kryeministrit Borisov për vitin 2012 është në Gjermani

botuar më 12-01-17 12.15.MD

Foto: BGNES

Më 17 dhe 18 janar kryeministri i Bullgarisë Bojko Borisov do të jetë për vizitë në Gjermani, i shoqëruar nga ministrat e punëve të brendshme, të ekonomisë, të energjetikës dhe turizmit, të transportit, të teknologjive informative dhe të komunikacioneve dhe të bujqësisë dhe ushqimeve. Vizita është e para, të cilën e bën kryeministri jashtë kufirit gjatë këtij viti, por tanimë të 5 në Gjermani, qëkurse është në këtë post, dhe ka një karakter pune.

Republika Federale Gjermane është një partnere prijëse tregtare e Bullgarisë. Gjatë vitit 2010 ajo formon mbi 10% nga eksporti i përgjithshëm dhe mbi 11% nga importi i përgjithshëm i Bullgarisë. Pavarësisht nga kriza, që nga muaji janar deri në tetor të këtij viti, eksporti bullgar për në Gjermani është shtuar me pothuajse 49%. Por pavarësisht dhe tradicionalisht të mira, marrëdhëniet nuk janë të privuar nga probleme. Një prej tyre është pagimi përpara afatit i borxhit të Hekurudhave Shtetërore Bullgare ndaj kompanisë gjermane “Siemens” për 25 motrisat elektrike. Në kushtet e krizës për Bullgarinë është me rëndësi që borxhi prej rreth 150 milionë euro të shtyhet ose të ndahet në pjesë. Përvoja e ministrave të financave dhe të transportit ta lidhin këtë marrëveshje me kolegët e tyre gjermanë mbetën pa rezultat. Supozohet se, kryeministri Borisov do ta çojë këtë çështje deri te kancelarja Angela Merkel. Shans për sukses ka, më në veçanti duke pasur parasysh faktin se, në fillim të vitit Hekurudhat Shtetërore Bullgare rinovuan pagesat mbi borxhin.

Në rend të ditës në marrëdhëniet bilaterale është dhe furnizimi eventual i Bullgarisë i gjuajtësve të përdorur gjerman Eurofighter. Pala gjermane tanimë ka bërë një propozim konkret dhe çështja do të shqyrtohet mbi bazën e tij në nivelin e kryeministrit dhe të kancelares federale. Nga të gjitha duket se, deri në marrëveshje nuk do të mund të arrihet gjatë këtij viti, por gjatë vitit 2013, siç tha kohët e fundit ministri ushtarak Anju Angjellov, dhe kjo në qoftë se sigurohen mjete. Por gjatë kohës së vizitës së Bojko Borisovit do të nënshkruhet marrëveshje për bashkëpunim midis forcave ushtarako ajrore të të dyja vendeve, mbi bazën e së cilës të realizohen trajnime të përbashkëta dhe stërvitje të personelit.

Në bisedat midis kancelares Merkell dhe kryeministrit Borisov do të preken jo vetëm çështjet bilaterale, por dhe çështje të rendit të ditës të Bashkimit Evropian. Mund të pritet që, kryeministri Borisov të parashtrojë tezën e tij, se pasi Bashkimi Evropian ndihmon shtete me krizë të borxheve, duhet që ai të japë bonos dhe atyre të cilët janë të disiplinuar nga ana financiare, siç është Bullgaria, eventualisht përmes pakësimit të përqindjes të kofinancimit kombëtar të projekteve me mjete evropiane. Kjo tezë në fund të vitit të kaluar ishte parashtruar nga kryeministri përpara kryeministres të Danimarkës Hale Tornin-Shmit, vendi i së cilës sot kryeson Bashkimin Evropian. Në tezën ka rezon, sepse aktualisht Bullgaria kofinancon projekte të realizuara me mjete evropiane në përmasë të 20% dhe më shumë, kurse për shtetet me vështirësi financiare nga Bashkimi Evropian kjo përqindje është 5 për qind.

Përgatiti në shqip: Nataniela Vasileva

По публикацията работи: Stoimen Pavllov

Последвайте ни и в Google News Showcase, за да научите най-важното от деня!

Ndaje

Vizita e parë e kryeministrit Borisov për vitin 2012 është në Gjermani

Më shumë nga rubrika

Bojko Borisov: Të gjithë janë partnerë potencialë të GERB-it, pa “Vëzrazhdane”

Reagimet e forcave politike pas rezultateve të para zgjedhore (rinovuar)

Të jetë i përfaqësuar politikisht - shpresa e pashpresë e votuesit bullgar

“Vëzrazhdane” i kërkoi presidentit mandatin e tretë për formimin e qeverisë

Bullgaria dhe Rumania bëhen anëtarë të plotë të zonës Shengen

BSP është e gatshme të marrë pjesë në një dialog për kabinet, por në kushte të caktuara