Rosen Plevneliev zë postin e presidentit në një moment shumë të vështirë për Bullgarinë dhe Evropën

botuar më 12-01-23 1.54.MD

Më 22 janar u zhvillua ceremonia e inaugurimit të presidentit të ri Rosen Plevneliev

Foto: BTA

Sot është dita e parë e punës e presidentit të ri bullgar Rosen Plevneliev, kandidat i partisë së qendrës së djathtë GERB, e cila është në pushtet. Dorëzimi i pushtetit nga paraardhësi i tij Georgi Përvanov, ish lider i Partisë Socialiste Bullgare në opozitë, ishte ditën e diel. Ceremonia ishte jashtëzakonisht solemne dhe vazhdoi afro dy orë. Një rol shumë të rëndësishëm në të luajti Garda kombëtare. Rëndësia e këtij ndryshimi të protokollit duhet të kërkohet në dëshirën e kreut të ri të shtetit për ta ngritur prestigjin e institucionit të presidentit. Aktualisht presidenti bullgar disponon të drejta të kufizuara, të cilat janë më tepër përfaqësive, por në të njëjtën kohë vetëm ky post i lartë shtetëror zgjidhet drejtpërsëdrejti nga populli.

Duke pasur parasysh autoritetin moral të kësaj zgjedhjeje të drejtpërdrejtë, edhe të tre paraardhësit e Plevnelievit nga viti 1990 e këtej, të zgjedhur në mënyrë demokratike, ishin thirrur për të marrë vendime të rëndësishme për kombin dhe të jenë korrektiv i pushtetit ekzekutiv. Në fjalimet e veta gjatë ceremonisë zyrtare të dorëzimit të pushtetit, e cila u zhvillua në sheshin qendror para tempullit “Shën Aleksandër Nevski”, edhe presidenti i ri, edhe ai i deritanishëm treguan unitet sa i përket rolit gjithnjë e më të rëndësishëm, që duhet të luajë presidenti në jetën politike bullgare.

Dorëzimi i pushtetit ndodhi në kufirin e dy epokave. Derisa ish presidenti Georgi Përvanov kishte fatin për të pasur dy mandate njëri pas tjetrit në një moment kur Bullgaria ishte në periudhë përparimi të shpejtë ekonomik, kur vendi ynë hyri në NATO dhe në BE, Rosen Plevneliev e zë këtë post në një moment krize globale financiare dhe ekonomike, e cila kërcënon stabilitetin e tërë Bashkimit Evropian. A do t’i përballojë këto sfida teknokrati 47 vjeçar pa biografi politike, por megjithatë me një mandat të suksesshëm dyvjeçar si ministër i zhvillimit regjional? Qëllimi i tij është shumë ambicioz – të jetë politik i tipit të ri dhe të kontribuojë për shndërrimin e Bullgarisë në një vend të pasur evropian të nivelit të mesëm, me një ekonomi të aftë për konkurrencë, ku populli të jetojë në një mënyrë të denjë.

Bindja e Plevnelievit për suksesin e misionit të tij, mbështetet mbi rrënjat e historisë së pasur bullgare: Ky është një popull, i cili ka krijuar një prej shteteve të para në Evropë, një popull, i cili jeton në udhëkryqin e disa qytetërimeve, ky është një popull, i cili është simbol i mirëkuptimit etnik – nënvizoi në fjalimin e vet presidenti i ri dhe shtoi: E kaluara na mëson se kemi arritur suksese vetëm atëherë, kur kemi qenë së bashku dhe vetë ne e kemi krijuar të ardhmen e vet. Prandaj, duke qenë president, do të bashkojë dhe nuk do të ndajë. Do të punoj, duke pasur një vizion të qartë për të ardhmen, duke kërkuar pajtim sa u përket prioriteteve kombëtare të Bullgarisë. Evropa e ka programin e vet “Programi 2020”. Bullgaria gjithashtu do të krijojë një program të vet kombëtar për zhvillimin e saj deri në vitin 2020, do ta krijojmë së bashku në një debat të gjerë shoqëror... Nuk ka dyshim se Bullgaria do të zhvillohet, çështja është me çfarë shpejtësie do të përparojmë në realizimin e qëllimeve tona kombëtare – të jemi një anëtar i denjë i BE-së, një vend i pasur, sipas niveleve mesatare, me një ekonomi të zhvilluar, me një arsim cilësor, të jemi një shtet, në të cilin të rinjtë të mbeten, sepse shohin perspektivë për zhvillim.

Çfarë presin bullgarët nga presidenti i ri?

Ja një anketë e vogël, e bërë ndër të pranishmit në ceremoninë solemne të dorëzimit të pushtetit:

Mirosllav Pavllov, elektroteknik:

Pres, që presidenti Rosen Plevneliev të jetë i paanshëm, të mos jetë president në emër të një partie, por të jetë presidenti i tërë Bullgarisë.

Nikolla Starev, student:

Pres që presidenti i ri të jetë një politik i tipit të ri. Shpresoj që premtimi i tij për zhvillimin e referendumeve për çështjet e rëndësishme për Bullgarinë, të bëhet fakt.

Dimitër Kolev – ekspert në një kompani për menaxhimin e projekteve:

Presidenti nuk disponon një pushtet të madh, por megjithatë pres që ai të punojë në të njëjtën mënyrë, në të cilën punonte edhe si ministër dhe të bëjë çmos për përmirësimin e sistemit gjyqësor në vend.

Lilia, e papunë, nënë e dy fëmijëve:

Pres gjëra shumë të bukura, por jam pak skeptike. Shpresoj që gjithçka të bëhet ashtu, siç e tha në fjalimin e vet dhe të kemi një jetë normale për të gjithë ne dhe për fëmijët tanë.

Përgatiti në shqip: Vesella Mançeva

По публикацията работи: Maria Dimitrova

Последвайте ни и в Google News Showcase, за да научите най-важното от деня!

Ndaje

Rosen Plevneliev zë postin e presidentit në një moment shumë të vështirë për Bullgarinë dhe Evropën

Më shumë nga rubrika

Presidenti Radev për Lukoil: Ndryshimet e shpejta ligjore anulojnë masat mbrojtëse ekzistuese

Ngjarjet me adresë ballkanike

Prof. Ivajllo Gruev për kohën kur iluzionet janë të shenjta, ndërsa e vërteta – herezi

Radev dhe Sijarto: Rikthimi i paqes në Evropë është i mundur përmes diplomacisë

Parlamenti kapërceu veton e presidentit mbi ndryshimet që përkojnë “Lukoil”

Asen Vasilev mbi përzgjedhjen e menaxherit special të “Lukoil” në Bullgari: "Një shaka e keqe"