Qeveria miratoi Planin kombëtar për prevencë kundër dhunës ndaj fëmijëve

botuar më 12-06-04 12.07.MD

Foto: arkiv

Çështja për dhunën është ndër temat më të dhimbshme në shoqëri. Për fat të keq jo rrallë objekt i dhunës janë fëmijët. T’u rikujtojë shoqërisë, prindërve, shkollës për cenueshmërinë e fëmijëve, kurse fëmijëve – për të drejtat e tyre, ky është qëllimi i Ditës ndërkombëtare për mbrojtje të fëmijëve, viktima të agresionit – 4 qershori.

Dita shënohet që nga viti 1983 me vendim të Kuvendit Popullor të OKB-së. Sipas të dhënave të Agjencisë shtetërore për mbrojtje të fëmijës rastet e konstatuara të dhunës kundër fëmijëve vetëm për vitin 2011 janë 2020. Shumë shqetësues, sipas specialistëve, është fakti se në 1800 prej këtyre rasteve dhuna ka qenë në familje. Ekspertët janë unanimë se vetëm përpjekjet e përbashkëta të tërë shoqërisë dhe kryesisht të prindërve dhe mësuesve, janë në gjendje të neutralizojnë rastet e agresionit dhe të dhunës kundër fëmijëve.

Një hap në këtë drejtim është Plani kombëtar i miratuar nga Këshilli i Ministrave i Bullgarisë për prevencë të dhunës kundër fëmijëve për periudhën deri në vitin 2014. Qëllimet e tij janë rritje e efikasitetit të masave për mbrojtje të fëmijës nga dhuna. Një vëmendje e posaçme i kushtohet informimit të shoqërisë për këto probleme nëpërmjet zhvillimit të konferencave, seminareve dhe tryezave të rrumbullakëta, fushatave të mediave, si dhe tërheqjes së gjithnjë e më shumë fëmijëve ndaj klubeve të ndryshme sportive. Në Bullgari ekzistojnë dhe një sërë organizatash joqeveritare, të cilat punojnë për mbrojtje të të drejtave të fëmijëve dhe luftimin e agresionit kundër tyre. Disa prej këtyre organizatave janë anëtare të Rrjetit kombëtar për fëmijët, i cili bashkon mbi 100 organizata joqeveritare.

“Gëzohemi shumë se ky plan u miratua nga Këshilli i Ministrave – thotë Georgi Bogdanov, kryetar i Rrjetit kombëtar për fëmijët. – Organizata jonë punon në këtë drejtim më shumë se pesë vjet. Desha të shënoj gjithashtu se në saje të përpjekjeve tona të përbashkëta vitin e kaluar Bullgaria ratifikoi Konventën e Këshillit të Evropës për mbrojtje të fëmijëve kundër eksploatimit dhe dhunës seksuale.”

Me rastin e Ditës ndërkombëtare për mbrojtje të fëmijëve – viktima të agresionit, Agjencia shtetërore për mbrojtje të fëmijës konsulton të gjithë qytetarët mbi çështjet lidhur me prevencën e dhunës në disa vende të posaçme në qendër të Sofjes. Atje janë paraqitur dhe tekste të adaptuara për fëmijët nga Konventa e OKB-së për të drejtat e fëmijës, e cila hyri në fuqi në Bullgari gjatë vitit 1991. Në Sofje kjo ditë shënohet edhe me një spektakël bamirës – njohje për angazhimin e shoqërisë, mediave, shou-biznesit dhe institucioneve me mbrojtjen e të drejtave të fëmijëve. Organizatorë të aktivitetit janë Asociacioni kombëtar i mediave për të rinjtë dhe Agjencia shtetërore për mbrojtje të fëmijës. Aktiviteti bashkon forma të ndryshme të artit skenik dhe rrugor me emrin “Kundër dhunës ndaj fëmijëve!” Ndër to janë ekspozita fotografike “Dhuna kundër fëmijëve nuk është temë tabu”, një koncert i këngëtarëve të njohur bullgar etj. Mjetet e koncertit do t’i dhurohen një fondi fëmijësh, të cilët kanë përjetuar dhunë.

Përgatiti në shqip: Vesella Mançeva

По публикацията работи: Diana Hristakieva

Последвайте ни и в Google News Showcase, за да научите най-важното от деня!

Ndaje

Qeveria miratoi Planin kombëtar për prevencë kundër dhunës ndaj fëmijëve

Më shumë nga rubrika

Gjimnazistë bullgarë në një betejë me dezinformimin

Magji festive me këngë, valle dhe takime me Plakun e Krishtlindjeve në Qytezën e Festave të Fundvitit në Pleven

WWF Bullgaria i kushton vëmendje mbrojtjes së arinjve

WWF Bullgaria i kushton vëmendje mbrojtjes së arinjve

Magji festive me këngë, valle dhe takime me Plakun e Krishtlindjeve në Qytezën e Festave të Fundvitit në Pleven

Gjimnazistë bullgarë në një betejë me dezinformimin