“Gologan” është grupi bullgar për poezinë etno e rok. Tingëllon si një eksperiment ku janë të kombinuara dy arte. Të dy poetët Petër Çuhov dhe Ivan Hristov e kanë krijuar grupin para 10 vjetëve. Pas kësaj grupit janë bashkuar disa shokë të tyre. Megjithëse sot anëtarët e “Gologan”-it janë të ndryshëm se ata në fillim, grupi vazhdon të nxjerrë projekte të reja muzikore. Në fakt, “gologan” quhet një monedhë e vjetër prej bakri e vitit 1881.

Në studion e radios mysafirë erdhën Petër Çuhov, poet dhe muzikant, ndërsa Anxhela Rodel, e cila këndon dhe i bie mandolinës, është muzikologe etnografike dhe përkthyese e letërsisë artistike.

“Shfaqjet tona të para ishin performanca letrare – rrëfen muzikanti Çuhov. – Një vit më vonë, kur erdhi Anxhela, muzika u bë kryesorja në aktivitetet ku shkonim. Pastaj në “Gologan” u anëtarësuan muzikantët Ivan Vëlev (bas kitarë) dhe Grisha Manikatov (bateri). Sot poezinë e prezantojmë në mes të këngëve.”

Disa nga tekstet kanë lindur si poezi kështu që kjo lidhje nuk do të humbet – pohon Anxhela, duke sqaruar: “Më pëlqejnë folklori bullgar dhe roku amerikan. Për mendimin tim “Gologan” është bilanci i përkryer midis dy stileve. Këngët lindin në mënyrë spontane gjatë provave. Në kokë më vijnë melodi folklorike. Kur themeluam grupin para 10 vjetëve, atëherë shumica e grupeve ishin orientuar më tepër te xhazi, jo te roku. Mendoj se ky është tamam stili ynë.”