U mbyllën akoma 17 media në Turqi

Këshilli i Lartë për Radio dhe Televizion në Turqi hoqi të drejtat e 17 mediave. Në një letër zyrtare këshilli paralajmëroi, se në se do të vazhdojnë të transmetojnë programe në frekuencat e tyre, këshillat e tyre drejtuese dhe drejtorët do të ndëshkohen me nga dy vjet burg dhe gjobë në të holla. Ndërkohë shtetasit gjermanë të arrestuar “për shkaqe politike” në Turqi mbetën vetëm nëntë, pasi nga burgu u çlirua mbrojtësi i të drejtave të njeriut Shtojtner. Ditën e premte u bë e qartë, se u çliruan edhe dy të tjerë, emrat e të cilëve nuk përmenden. Mediat gjermane komentuan, se nuk duhet të ketë iluzione, se me çlirimin e disa shtetasve gjermanë në Turqi diçka ndryshohet, sepse ata që mendojnë ndryshe vazhdon të persekutohen.

Beogradi insiston për një konferencë të re për Kosovën

Disa botime në gjuhën shqipe njoftuan, se ministri serb i punëve të jashtme Ivica Daçiç kërkoi të organizohet një konferencë e re për fatin e Kosovës, në të cilën mund të marrin pjesë BE-ja, SHBA-ja dhe Rusia. Propozimi u hodh poshtë nga të gjitha partitë politike në Kosovë. Që nga shpallja e pavarësisë së kësaj ish province serbe, shkurtin e vitit 2008, e deri më sot ajo u njoh nga më se 110 shtete, duke përfshirë edhe Bullgarinë.

Sanxhaku kërkoi autonomi në suazat e Serbisë

Kryetari i Këshillit Kombëtar të boshnjakëve në Serbi Suljeman Ugljanin kërkoi, që autoritetet në Beograd dhe në BE-në të organizojnë “zgjedhje për formimin e një autonomie territoriale në krahinën serbe Sanxhak”, populluar kryesisht me boshnjakë. Ugljanini, i cili është lider i Partisë për Veprim Demokratik, tha, se kërkesa për zgjedhje iu bazohet rezultateve të referendumit për autonomi nga viti 1991, i cili nuk pranohet nga autoritetet e Beogradit. Politikani kërkoi që të caktohet data për “tërheqjen e policisë, ushtrisë dhe dikastereve të hetimit serb, duke përfshirë edhe pushtetin gjyqësor, nga Sanxhaku”. Ministri serb i mbrojtjes Aleksandër Vulin caktoi deklaratën si “provokacion” qëllimi i të cilit është të shkaktojë çrregullime.

Rama: Në se Serbia do të njohë Kosovën do të heqë barrën e së kaluarës

Në profilin e tij në Fejsbuk kryeministri shqiptar Edi Rama shprehu bindjen, se njohja e pavarësisë së Kosovës nga ana e Beogradit, do të çlirojë Serbinë nga barra e së kaluarës dhe do të jetë një hap përpara. Ky do të jetë një moment historik për rajon, i cili ka nevojë për përfundimin e procesit të bashkimit me BE-në. Nën komentet kryeministri shqiptar botoi një fotografi të vet me kryeministren serbe Ana Bërbabiç, nga pjesëmarrja në Konferencën e Politikës Botërore në Marrakesh të Marokut.

Kryeministri maqedonas pret fillimin e negociatave për anëtarësimin e vendin në BE-në

Në një intervistë për televizionin shtetëror kryeministri Zoran Zaev tha, se gjatë vitit të ardhshëm pret të fillojnë negociatat për anëtarësimin e republikës së Maqedonisë në BE-në. Ai shprehu shpresë, që deri në fund të këtij muaji do të mbahen takime me ndërmjetësin ndërkombëtar për diskutimet për emrin e Maqedonisë – Matju Nimic. Sipas kryeministrit në rajon ka një klimë të favorshëm, nga e cila Maqedonia duhet të përfitojë për krijimin e miqësive me të gjithë në interes të ekonomisë, stabilitetit dhe sigurisë së vendit dhe të rajonit.

Përpiloi: Stoimen Pavllov

Përgatiti në shqip: Svetllana Dimitrova