Gjatë disa viteve të fundit lidhjet ekonomike mes Bullgarisë dhe Gjeorgjisë zhvillohen në mënyrë intensive dhe po vëzhgohen nivele të larta të këmbimit të mallrave mes dy vendeve tona. Bullgaria është ndër dhjetë shtetet e para të partnerëve kryesorë tregtarë të Gjeorgjisë. Këtë e deklaroi Ministri i Ekonomisë Emill Karanikollov në një takim me homologun e tij gjeorgjian Giorgi Kobulia. Kobulia është për vizitë në Bullgari me rastin e një mbledhjeje të Komisionit ndërqeveritar bullgaro-gjeorgjian për bashkëpunim ekonomiko-tregtar. Sipas të dhënave paraprake për vitin 2018 eksporti bullgar për Gjeorgjinë kap shumën 207 mln dollarë amerikanë dhe është rritur me 2.7 për qind, importi gjeorgjian në Bullgari është 395.5 mln dollarë amerikanë, në krahasim me shumën prej 331.8 mln dollarësh amerikanë për periudhën e njëjtë të vitit 2017.