Festivali i filmave të preferuar në Varna do të gëzojë përsëri adhuruesit e vet nga data 19 gusht deri më 5 shtator.
Në kuadrin e “Kinemaja verore në lagje” përpara tyre do të zbulohet larmia e madhe e shiritave me metrazh të shkurtër dhe të gjerë në vende të ndryshme në kryeqytetin tonë detar. Projektimet do të jenë në Kopshtin e Botevit, në lagjet “Vëzrazhdane”, “Vlladisllavovo”, “Asparuhovo”, “Çajka”, “Cvetna gradina”, “Vinica” dhe “Briz”. Maratona kinematografike përfshin disa filma të njohur të rinj bullgarë, mes të cilave –“Kthimi” i regjisorit Niki Iliev, “Një dozë lumturie” të Jana Titovës dhe të Alek Aleksievit dhe “Në rreth” të Stefan Komandarevit. Mes propozimeve nga kinemaja evropiane janë filmat francezë “Taksi numër 5”, “Polici nga Belevili”, “Ajo, që nuk jam”, “Pa një stacion të fundit”, filmi italian “Një terapi dashurie” dhe ai amerikan “Ikja e pamundur 2: Hades”.
Shfaqjet e filmave fillojnë çdo mbrëmje në orën 20:30 me prezantimin e filmave me një metrazh të shkurtër nga koleksioni “Kinematograf.bg”, të ndjekur nga filmi kryesor për natën. Hyrja për të gjithë është e lirë. Me rëndësi është vetëm që ata të sjellin diçka për tu ulur, në shoqërim të një buzëqeshjeje të madhe dhe një gjendje shumë të mirë shpirtërore.
Projekti financohet nga fondi “Kultura” pranë Bashkisë së qytetit Varna.
Maria Bakallova do të luajë një rol kryesor në filmin e ri të Sylvester Stallone "My Masterpiece" (“Kryevepra ime”), njofton faqja e kinemasë profesionale IMDB. Aktorja do të marrë pjesë së bashku me yllin amerikan dhe do të luajë rolin e një vrasëseje me..
Ekspozita "Lidhjet e mundshme: Pamje nga studioja e Nikollaj Shmirgella", e cila hapet sot në Galerinë e Arteve të Qytetit të Sofjes, paraqet kontaktet në kohë mes Shmirgellës dhe njerëzve që lënë gjurmë në atelienë e tij. Ekspozita përfaqëson një koleksion..
Për mrekullitë në jetë, për aftësinë tonë për të ndjekur rrugën dhe për të mos tradhtuar besimin tonë flet filmi i ri bullgar "Mos i mbyll sytë", i cili shfaqet në kinematë e vendit. E thënë shkurt, historia është si vijon: një prift - At Pavell -..