“Ligji për Radion dhe Televizionin u korrigjua disa herë, por nuk ka një tekst të tërësishëm i cili të përputhet me situatën aktuale dhe të jetë me perspektivë të paktën 5 vjet përpara.” Këtë e tha për BNR Rajna Konstantinova, kryetare e Këshillit Publik të BNR.

Lidhur me dorëheqjen e depozituar të drejtorit të përgjithshëm Andon Balltakov ajo tha se “një drejtor i përgjithshëm dëshiron të bëjë diçka por shikon se duart e tij janë të lidhura sepse diçka që është me rëndësi për të mungon. Nuk mendoj se Ministria e Kulturës e ka fajin. Problemi është në moszbatim të angazhimeve.”

Rajna Konstantinova shtoi, se tashmë 27 vite me radhë debatohet se kujt i përkasin mediat publike. Akoma ka njerëz duke përfshirë dhe politikanë të cilët mendojnë se Radioja Kombëtare Bullgare (BNR) dhe Televizioni Kombëtar Bullgar (BNT) janë shtetërore.