Bullgari më i njohur në botë, legjenda jonë e futbollit Hristo Stoiçkov, e ka monumentin e tij në qytetin Harmanli(Bullgari Jugore). Pikërisht pas ndeshjeve të mira të Kamata, siç është i njohur Stoiçkov, për skuadrën vendase të futbollit “Hebros”, ai u tërhoq nga skuadra e njohur bullgare CSKA, prej nga nisi karriera e tij. Monumenti është një këpucë bronzi, më shumë se një metër e gjatë, së bashku me një top 90 centimetra, dhe pas tyre është vendosur një këmishë me numrin 8 - atë me të cilën Stoiçkov luajti edhe në Kupën e Botës 1994 në SHBA, kur Kombëtarja bullgare arriti në vendin e katërt në botë. Në gur janë shkruar edhe të gjitha skuadrat në të cilat ka luajtur futbollisti me famë botërore.

“Nuk i mbaja dot lotët! Këtu në stadiumin në Harmanli, dola në rrugë! Faleminderit kolegëve të mi, faleminderit të gjithëve në Harmanli! Skulptura pranë stadiumit “Hebros” është madhështore”, ka ndarë në rrjetin social fituesi i “Topit të Artë”, Hristo Stoiçkov.

Përgatiti në shqip: Vesella Mançeva