Premtova që në fushatën zgjedhore të ndërtoj një muze për historinë e komunizmit bullgar dhe aktualisht jemi duke hedhur hapat e parë, shkroi në Facebook kryetari i kryeqytetit Vasill Terziev. Sofja është i vetmi kryeqytet nga ish-blloku lindor pa muze të komunizmit. Shoqëria civile gjatë gjithë këtyre 35 viteve ishte aktive me punë kërkimore, iniciativa edukative dhe përkujtimore për viktimat, shton Terziev. “Është koha që ne politikanët të tregojmë pjekuri dhe ta mbështesim këtë energji qytetare. Unë besoj se një shoqëri e pjekur duhet të përballet me historinë e saj - faqet e saj të ndritshme dhe të errëta - dhe t'i lexojë ato pa mbyllur sytë dhe pa kthyer kokën. Kam besim te historianët, shkencëtarët, punonjësit e muzeve dhe e gjithë shoqëria civile që të na udhëheqin në këtë diskutim të paanshëm dhe të thelluar për të shkuarën, për ta parë të ardhmen në një mënyrë të re”, shkruan kryebashkiaku i kryeqytetit.