Deri në fund të vitit, “Bulgargaz” duhet të paguajë 20 milionë leva më shumë sipas kontratës me “Botash” për shkak të indeksimeve, tha ministri i energjetikës Zheço Stankov, njoftoi BGNES. Gjatë qeverisë së përkohshme të Gëllëb Donev, të emëruar nga presidenti Rumen Radev, Bullgaria nënshkroi një kontratë 13-vjeçare me kompaninë turke me vlerë 2.2 miliardë dollarë për të marrë gaz natyror përmes terminaleve turke të gazit natyror të lëngshëm. Dokumenti na detyron të paguajmë 1 milion leva çdo ditë pa përdorur kapacitetin e plotë. Zheço Stankov deklaroi se negociatat me “Botash” për të rinegociuar kushtet po vazhdojnë, por deri më tani nuk kanë dhënë asnjë rezultat. “Kjo kontratë po grumbullon kosto për një shërbim që nuk e përdorim”, tha ai, duke shtuar se nuk na duhet sot ose në 13 vitet e ardhshme. Sipas tij, dokumenti nuk ka klauzolë përfundimi nëse nuk paguhet e gjithë shuma, e cila tejkalon 4 miliardë leva. Ministri i energjetikës mori pjesë në një seancë dëgjimore parlamentare mbi kontratën me kompaninë turke të gazit.

Lexoni më shumë mbi temën në arkivin e Radio Bullgarisë:

• Qeveria miratoi marrëveshjen mes “Bullgargaz” dhe kompanisë turke “Botash”

• KE po kontrollon marrëveshjen e “Bullgargaz” me “Botash”

• PP-DB propozon që Agjencia Shtetërore e Sigurisë Kombëtare dhe Prokuroria të hetojnë kontratën me “Botash”-in për transferimin e gazit

• Raporti parlamentar për marrëveshjen me "Botash" paraqitet në prokuroritë bullgare dhe evropiane

• “Bulgargaz” vazhdon negociatat për ndryshimin e kontratës me kompaninë turke “Botash”

Redaktoi: Diana Cankova

Përgatiti në shqip dhe publikoi: Svetllana Dimitrova

Foto: BGNES