Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Ura drejt bullgarëve në Moldavi: Radioja Kombëtare Bullgare do të bashkëpunojë me Universitetin e Ruses në Taraklia

Rektorja e Universitetit të Ruses, doc. Desisllava Atanasova dhe Drejtori i Përgjithshëm i BNR, Milen Mitev
Foto: Asja Pençeva

Radioja Kombëtare Bullgare (BNR) dhe Universiteti i qytetit Ruse do të jenë partnerë në aktivitetet kulturore dhe arsimore në degën e sapohapur të universitetit në Taraklia, Moldavi. Kjo u bë e ditur pas një takimi midis drejtuesve të të dy institucioneve. Së shpejti pritet të nënshkruhet një memorandum bashkëpunimi.

Në fillim të shtatorit do të hapet zyrtarisht viti i parë akademik për studentët e degës së Universitetit të qytetit Ruse në Taraklia. Ata do të ndjekin studimet në shtatë programe të ndryshme – pedagogjike, teknike dhe ekonomike, njoftoi korrespondentja e BNR, Asja Pençeva.

"Presim mbi 100 studentë të pranuar në vitin e parë, që sipas mendimit tim është një fillim shumë i mirë, dhe me kënaqësi do ta ndajmë hapjen e vitit të ri akademik me BNR", tha rektorja e Universitetit të Ruses, doc. Desisllava Atanasova. Drejtori i Përgjithshëm i BNR, Milen Mitev, njoftoi gjithashtu për një ceremoni të ardhshme për fituesit e konkursit për ese, organizuar nga BNR për nxënësit nga komuniteti bullgar në Moldavi dhe Ukrainë.

"Ne kemi ambicien dhe qëllimin që t'ua dorëzojmë çmimet fituesve të këtij konkursi në një koncert, të cilin do të donim ta organizojmë së bashku me Universitetin e Ruses në Taraklia, në degën e tyre atje. Në këtë mënyrë, do ta kombinojmë hapjen e vitit akademik me një ngjarje të këndshme që do të ndihmojë në forcimin e mëtejshëm të lidhjeve midis komuniteteve bullgare në Moldavi dhe Ukrainë dhe vendit tonë."

Në ceremoninë që do të mbahet në fillim të shtatorit do të marrë pjesë edhe nënpresidentja e Bullgarisë, Ilijana Jotova.

Lexoni më shumë nga koleksioni i Radio Bullgarisë:

Redaktoi: Miglena Ivanova

Përgatiti në shqip dhe publikoi: Svetllana Dimitrova

Foto: Asja Pençeva



Последвайте ни и в Google News Showcase, за да научите най-важното от деня!

Më shumë nga rubrika

Qeni Maja

Rast i radhës i mizorisë ndaj një kafshe mobilizon energjinë qytetare

Rasti me një qen të shkelur nga një mjek në një lagje të kryeqytetit shkaktoi një valë pakënaqësie publike dhe organizimin e një proteste në Sofje, e cila do të zhvillohet sot para Akademisë Ushtarako-Mjekësore – institucioni shëndetësor ku punon mjeku...

botuar më 25-11-13 2.30.MD

Trembëdhjetë shtete amerikane e njohin certifikatën bullgare për dygjuhësi

E ashtuquajtura “Vulë e dygjuhësisë” u krijua në vitin 2011 në shtetin amerikan të Kalifornisë me idenë se, në kushtet e një ekonomie dhe marrëdhëniesh të globalizuara, një person nuk mund ta zhvillojë plotësisht potencialin e tij duke ditur vetëm një..

botuar më 25-11-13 7.10.PD

Banorët e Gabrovos vendosën “të shijojnë fundin” të paktën deri te karnavali i 16 majit 2026

Me moton “Fundin e ka afër – le ta përjetojmë me humor” në qytetin Gabrovo u hap i ashtuquajturi sezoni i 5-të i vitit. Në ditën e 11-të të muajit të 11-të nis sezoni i karnavaleve të Vitit të Ri dhe të pranverës në qytetet e Evropës dhe të botës. Me..

botuar më 25-11-11 2.12.MD