Nga 16 deri më 23 shtator 2025, Varna bëhet përsëri kryeqyteti i kinemasë bullgare. Edicioni i 43-të i Festivalit të Filmit Bullgar Artistik "Trëndafili i Artë" do të mbahet në Qendrën e Festivaleve dhe Kongreseve në qytet. Publiku do të ketë mundësinë të shohë 17 filma me metrazh të gjatë dhe 24 filmame metrazh të shkurtër në programin e konkursit, si dhe 13 tituj në programin paralel jashtë konkursit dhe 5 shfaqje klasike me një respekt ndaj trashëgimisë bullgare kinematografike.

Festivali do të hapet me filmin "Ljubof" nga Ivajllo Hristov. Një film special me fragmente nga rolet më të mëdha të Rusi Çanev do të shfaqet me rastin e 80-vjetorit të tij. Publiku bullgar do të ketë mundësinë të jetë i pari që do të shohë filmin e ri të Stefan Komandarevit "Made in EU" , pas premierës së tij në Venecia. Ndër ngjarjet e pritura është shfaqja e "Gundi – Legjenda për dashurinë" - ​​filmi me më shumë shikueshmëri gjatë vitit. Do të prezantohet edhe bashkëprodhimi “Të paturpshmit” nga regjisori Konstantin Bozanov, i vlerësuar me një çmim në Kanë 2024.

Redaktoi: Miglena Ivanova

Përgatiti në shqip dhe publikoi: Vesella Mançeva

Foto: zlatnaroza.bg, nfc.bg