Bullgaria ka një interes të veçantë për partneritete në fushën e inteligjencës artificiale dhe teknologjive të dronëve. Këtë e deklaroi në SHBA kryeministri Rosen Zheljazkov, i cili udhëhoqi delegacionin bullgar në një takim me përfaqësues nga shteti i Jutës, njoftoi shërbimi për shtyp i qeverisë bullgare. Kryeministri shprehu gatishmërinë për të thelluar bashkëpunimin në fushat e tregtisë, investimeve dhe inovacionit.

Senatori republikan Xhejbs Stjuart Adams theksoi se bashkëpunimi mes Bullgarisë dhe Jutës mund të sjellë përfitime reale për të dyja palët në fusha kyçe. Ai vuri në dukje se sektorët e fuqishëm të Jutës janë inovacioni, energjetika, arsimi dhe industria e qëndrueshme.

Gjatë takimit u diskutua edhe aktiviteti i doTERRA International, një prej investitorëve më të mëdhenj amerikanë në Bullgari. Kompania, me qendër në shtetin e Jutës, është një nga prodhuesit dhe tregtarët kryesorë të vajrave esencialë në botë.

Redaktoi: Ivo Ivanov

Përgatiti në shqip dhe publikoi: Svetllana Dimitrova

Foto: government.bg