Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Një bullgar nga flotilja humanitare për Gazën u ndalua nga Izraeli

Një pamje nga videoja e postuar në mediat sociale nga flotilja pro-palestineze
Foto: EPA/BGNES

Një bullgar, pjesë e flotiljes humanitare për Gazën, është midis të ndaluarve nga Izraeli, u bë e qartë nga një postim në kanalin zyrtar të mediave sociale të flotiljes. Marina izraelite kapi anije nga flotilja humanitare “Global Sumud”.

"Emri im është Vasill Dimitrov dhe jam nga Sofja, Bullgari. Nëse po e shikoni këtë video, jam rrëmbyer nga forcat pushtuese izraelite dhe po më mbajnë kundër vullnetit tim. I thoni qeverisë sime të ndalojë bashkëpunimin e saj me Izraelin dhe të më çojë në shtëpi. Ndaloni gjenocidin në Gaza", thotë bullgari në pamjet e publikuara.

Ministria Bullgare e Punëve të Jashtme ka monitoruar zhvillimet në lidhje me të ashtuquajturën “Flotilja Globale Sumud” që nga largimi i saj, informoi ministria. “Ministria e Punëve të Jashtme njoftoi menjëherë autoritetet izraelite se midis qytetarëve të huaj në bordin e njërës prej anijeve, pjesë e flotiljes, është edhe një shtetas bullgar. Ambasada Bullgare në Tel Aviv ka kërkuar qasje konsullore te shtetasi bullgar, si dhe garanci për respektimin e të drejtave të tij”, thuhet në deklaratë.

“Vetë pjesëmarrësit janë të vetëdijshëm se në Izrael është shpallur gjendje ushtarake, kështu që rreziku merret me vetëdijen e tyre. Do të kemi më shumë informacion kur konsulli ynë të vizitojë Vasill Dimitrovin”, komentoi kryeministri Rosen Zheljazkov nga Kopenhaga.

Ministria e Jashtme izraelite njoftoi se do të deportojë në Evropë të gjithë aktivistët që ishin në bordin e anijeve të flotiljes të ndaluara nga forcat detare izraelite, raportoi BNR.

Redaktoi: Diana Cankova

Përgatiti në shqip dhe publikoi: Vesella Mançeva

Foto: EPA/BGNES




Последвайте ни и в Google News Showcase, за да научите най-важното от деня!

Më shumë nga rubrika

Parashikimi i motit për 27 nëntorin 2025

Të enjten , temperaturat minimale do të jenë nga 3 deri në 19°, në lindje deri në 15-19°, ndërsa në Sofje do të jetë rreth 6°. Gjatë ditës do të jetë me re dhe me shi. Shira të konsiderueshëm do të ketë që gjatë natës në Bullgarinë Perëndimore,..

botuar më 25-11-26 7.35.MD
Foto: Ambasada e Republikës së Bullgarisë në Moldavi / Facebook

Rajoni i Taraklia-s do të ruajë autonominë e tij

Autonomia e rajonit të Taraklia-s do të ruhet në kuadër të reformës së ardhshme të administratës shtetërore të Moldavisë. Këtë e siguroi kryeministri moldav Alexandru Munteanu në një takim me ambasadoren bullgare Maja Dobreva, raporton Ambasada e..

botuar më 25-11-26 5.52.MD

Georg Georgiev: Mbështetja e përbashkët për Ukrainën dhe presioni ndaj Rusisë duhet të vazhdojnë

“Zgjidhjet për të arritur paqen në Ukrainë duhet të bazohen në parimet themelore të Kartës së OKB-së, siç janë sovraniteti, pavarësia dhe integriteti territorial.” Kjo u deklarua nga Ministri i Jashtëm Georg Georgiev në videokonferencën..

botuar më 25-11-26 4.52.MD