Studentë nga Universiteti i Arkitekturës, Ndërtimit dhe Gjeodezisë do të prezantojnë në Sofje idetë e tyre se si e kaluara mund të përfshihet në ambientin bashkëkohor urban, njofton Radio Sofja e BNR-së. Ata përgatitën koncepte për mbetjet e vilës romake “Rustika”, e zbuluar në vitin 1967 në lagjen “Stefan Karaxha” në Podujane, një rajon i kryeqytetit.

“Vila Rustika” është një fenomen arkeologjik që ruan gjurmët e jetës në këto troje nga afërsisht dy mijë vjet më parë. Sot duam ta shndërrojmë këtë vend me histori në një pjesë të rregulluar, të aksesueshme dhe të gjallë të lagjes – një hapësirë që bashkon të kaluarën me të ardhmen”, shkroi në faqen e tij në Facebook kryetari i lagjes, Kristian Hristov.

Ndërtesat banimi dhe ato ekonomike, si dhe oborri i shfrytëzuar, ndodhen nën pallatet bashkëkohore. Në hapësirën mes ndërtesave mund të shihen mbetjet e mauzoleut emblemë të kësaj vile. Ka të dhëna që oborri i Vilës “Rustika” zë një sipërfaqe prej rreth 5 dynymësh. Pas pushtimit gotik, kur vila u braktis dhe u shemb, këtu u vendos popullsi trake, e cila përdori mauzoleun si tempull dhe varrezë.

Redaktoi: Diana Cankova

Përgatiti në shqip dhe publikoi: Svetllana Dimitrova

Foto: Rajoni "Podujane"