Qëllimi politik i qeverisë është anëtarësimi i plotë i Bullgarisë në Organizatën për Bashkëpunim dhe Zhvillim Ekonomik (OECD) deri në fund të vitit 2026, u tha zëvendëskryeministri Grozdan Karaxhov përfaqësuesve të biznesit britanik në vendin tonë.
Në forumin "Partneriteti për zhvillim: shteti dhe biznesi në procesin e anëtarësimit të Bullgarisë në OECD", të organizuar nga Dhoma e Tregtisë Britaniko-Bullgare, marrin pjesë përfaqësues të mbi 70 kompanive, institucioneve dhe organizatave ndërkombëtare.
Sipas Grozdan Karaxhovit, anëtarësimi në OECD është një sinjal i qartë për bashkësinë ekonomike globale se vendi ynë ofron një mjedis biznesi të qëndrueshëm dhe të parashikueshëm. "Është një garanci për politika publike më efektive, rritje më të lartë ekonomike, një vlerësim më të mirë ndërkombëtar të kreditit dhe një cilësi më të lartë jetese për qytetarët", theksoi ai, cituar nga BGNES.
Sipas zëvendëskryeministrit, që nga dëshira e parë e shprehur zyrtarisht për t'u anëtarësuar në OECD në vitin 2007 deri më sot, Bullgaria ka zbatuar reforma në shkallë të gjerë në të gjitha sferat e jetës publike - nga politika tatimore dhe legjislacioni i punës deri te lufta kundër korrupsionit dhe inkurajimi i konkurrencës së ndershme.
Redaktoi: Diana Cankova
Përgatiti në shqip dhe publikoi: Vesella Mançeva
Foto: Ministria e Transportit dhe Komunikacioneve
Shoqata e Kapitalit Industrial në Bullgari ka lëshuar një thirrje për pjesëmarrje në një protestë më 26 nëntor kundër buxhetit për vitin 2026, i cili është gati të miratohet në lexim të dytë. "U bëjmë thirrje jo vetëm anëtarëve tanë, por edhe të..
Të mërkurën temperaturat minimale do të jenë nga 3 deri në 8°, në zonat me erë – deri në 10-12°, ndërsa në Sofje – rreth 4°. Në pjesët perëndimore të Rrafshinës së Danubit dhe në Fushën e Trakisë së Epërme moti do të mbetet i qetë dhe me mjegull...
Bullgarja Dr. Eli Haxhijska drejton një ekip që punon në misionin e NASA-s Transiting Exoplanet Survey Satellite (TESS) – një projekt hapësinor i dedikuar për zbulimin e planetëve jashtë sistemit tonë diellor, raportoi BTA. Ajo ka jetuar dhe punuar në..