Një muaj para hapjes zyrtare të sezonit të 23-të të skive, Bansko u rendit ndër 25 destinacionet më të mira dimërore në botë. Në konkurrimin online, që zgjati 16 javë, morën pjesë 211 resorte nga 5 kontinente. Në votimin në faqen Worldskiawards.com u përfshinë mbi 4,3 milionë njerëz – klientë dhe profesionistë – nga më shumë se 143 shtete dhe rajone. Kjo e bëri sondazhin më të madhin në industrinë e turizmit të skive, por edhe një nga më globalët e zhvilluar ndonjëherë zyrtarisht.

Qyteti i vogël malor në malin Pirin u rendit ndër katër vendet në botë që kanë një komplet të plotë prej 13 çmimesh në 13 edicionet e Çmimeve Botërore të Skive. Qendra dimërore nën majën Todorka dominon në këtë garë që nga viti 2013, një arritje me të cilën mund të mburren vetëm edhe Kitzbühel në Austri, Val Thorens në Francë, resorti më i lartë i vendosur në Evropë, i cili për të dhjetën herë mori çmimin e madh si numri 1 në botë, si edhe Deer Valley në Shtetet e Bashkuara, shkruan faqja pirinsko.com.

Lexoni më shumë nga arkivi i Radio Bullgarisë:

• Bullgaria në hartën dimërore: qendrat tona të skive po punojnë me kapacitet të plotë

• Bansko hyri në top 10 të një renditjeje prestigjioze turistike botërore për vitin 2025

• Qyteti Bansko po bëhet një qendër evropiane për nomadët digjitalë

• Qyteti Bansko – magjia e së kaluarës

Redaktoi: Ivo Ivanov

Përgatiti në shqip dhe publikoi: Svetllana Dimitrova

Foto: BTA