A do të ketë ndëshkime për qëndrim të egër ndaj kafshëve

botuar më 10-07-15 11.31.PD

Në Bullgari rastet me qëndrim të egër ndaj kafshëve shpesh herë mbeten pa ndëshkim.

Foto: Darina Grigorova

Bullgari ka një qëndrim pozitiv ndaj kafshëve shtëpiake. Shpesh herë njerëz që kanë një qen në shtëpi, kujdesen dhe për ndonjë kafshë endacake duke i dhënë ushqim ose duke e çuar te veterineri. Si në çdo shoqëri, ka dhe njerëz që e nxjerrin agresionin e grumbulluar, duke ushtruar dhunë mbi qen ose mace të pambrojtje. Në çdo një vend anëtar të BE-së dhuna mbi kafshët është inkriminuar. Në Gjermani sanksioni arrin deri në tre vjet burg. Në Serbi egërsia ndaj kafshëve ndëshkohet me burg deri në një vit, kurse nga muaji shtator atje do të krijohet një zoopolici. Tek ne, fatkeqësisht, rastet me qëndrim të egër ndaj kafshëve shpesh herë mbeten pa ndëshkim.

Sipas Javor Gaçevit nga fondacioni “Katër putra” është kohë që Bullgaria të ndryshojë legjislacionin e vet: “Aktualisht dhuna mbi kafshët trajtohet si një shkelje administrative, si për shembull sanksionohet dhe parkimi i padrejtë. Pikërisht për këtë shkak rastet me dhunë mbi kafshët nuk hetohen dhe nuk ka sanksione. Afro dy vjet pas miratimit të Ligjit për mbrojtje të kafshëve, ka vetëm një gjobë për vrasje në mënyrë shumë të egër, ndërsa ankesat që janë depozituar për forma të ndryshme dhune mbi kafshë janë 50. Sistemi është i tillë se Ligji për mbrojtje të kafshëve ka një karakter dëshiror. Organet kontrolluese të Shërbimit veterinar mjekësor kombëtar nuk kanë autorizimet e nevojshme për ta kryer mirë punën e tyre.”

Sipas Javor Gaçevit ndryshimet eventuale në Kodin Penal duhet të ndryshojnë sistemin e hetimit të rasteve të dhunës mbi kafshët. Veçanërisht pas rastit në fshatin Drjanovo, ku njerëz të panjohur prenë të katër putrat e qenit Mima, shumë organizata joqeveritare këmbëngulën të merren masa urgjente për ndryshim të legjislacionit, të cilat të inkriminojnë dhunën mbi kafshët.

“Për ne është e qartë lidhja midis dhunës mbi kafshët dhe dhunës mbi njerëzit – thotë Javor Gaçev. – Ky është një fakt i njohur. Sipas një studimi të Departamentit të Drejtësisë të SHBA-së nga viti 2001, 88% të njerëzve që kanë ushtruar dhunë në shtëpi, para kësaj e kanë ushtruar mbi kafshë. Shpresoj që deputetët tanë të kuptojnë se duke votuar ndryshimet në ligj, do të mbrojnë shoqërinë nga rastet e ardhshme të dhunës mbi njerëz.”

Por tani vonë Komisioni i drejtësisë pranë Kuvendit Popullor nuk mbështeti inkriminimin e dhunës mbi kafshë. Deputetët gjithashtu do të shprehin opinionin e tyre, kur projektligji do të propozohet për votim.

Përgatiti në shqip: Ekaterina Tarpomanova

По публикацията работи: Darina Grigorova

Последвайте ни и в Google News Showcase, за да научите най-важното от деня!

Ndaje

A do të ketë ndëshkime për qëndrim të egër ndaj kafshëve

Më shumë nga rubrika

Bullgarët në Berlin shënojnë festën e Shën Antonit të Madh me solemnitet të veçantë

Janë duke u përgatitur standardet për cilësinë dhe vlerësimin e arsimit në kopshte dhe grupet e çerdheve

Shkencëtarët е Akademisë Bullgare të Shkencave mbështetën unitetin e Kishës Ortodokse Bullgare - Patrikanës Bullgare

Universiteti Teknik i Pylltarisë shënon 100 vjetorin e themelimit

Shkencëtarët bullgarë: Bullgarët nga Krahinat Perëndimore nuk janë një "komb i shopëve"

Kur dhe pse Radio Bullgaria arriti në Afrikë?