Ujërat bullgare për banjë janë në vendin e pestë në Evropë për nga pastërtia

botuar më 10-07-22 10.49.PD

Të dhënat për ujërat për banjë në Bullgari gjatë të tre vjetëve të fundit, tregojnë një tendencë të qëndrueshme drejt përmirësimit, thuhet në raportin e KE-së.

Foto: BGNES

Në raportin e tij të përvitshëm për pastërtinë e ujërave për banjë në Evropë, Komisioni Evropian për herë të parë bën një klasifikim të vendeve sipas këtij treguesi. Bullgarët, si edhe turistët e huaj, mund të jenë të kënaqur se Bullgaria renditet në vendin e pestë në këtë klasifikim ndër 27 vendet anëtare të BE-së. Të dhënat e KE-së janë për vitin 2009 në bazë të studimit të deteve, liqeneve dhe lumenjve në territorin e të gjitha vendeve anëtare. Duhet të theksohet fakti se klasifikimi është bërë jo sipas treguesve të detyrueshëm për cilësinë e ujërave, por sipas kritereve më të rrepta.

“Ujërat vlerësohen sipas dy kritereve – shpjegoi për Radio Bullgarinë d-r Dimitër Dimitrov, shef i degës “Kontrolli shtetëror i shëndetit” pranë Ministrisë së Shëndetësisë. Ka kritere të detyrueshme për pastërtinë e ujërave për banjë, por sipas kritereve më të rrepta që rekomandohen nga KE-ja, para Bullgarisë renditen vetëm Greqia, Qiproja, Franca dhe Malta. Në Bullgari 90,3% të të gjitha ujërave për banjë u përgjigjen këtyre kritereve. Pas nesh janë destinacione të njohura turistike si Portugalia, Spanja, Italia.”

Ky është një tregues shumë i mirë për mundësitë për turizëm detar tek ne. Në Detin e Zi KE bëri studim vetëm në dy vendet anëtare të BE-së – Bullgaria dhe Rumania. Diferenca midis dy shteteve është drastike. Në bregdetin e Rumanisë mezi 8,2% të ujërave u përgjigjen kritereve të përmendura, kundrejt 90% për Bullgarinë. Vendet e tjera pranë Detit të Zi nuk janë anëtare të BE-së dhe nuk synojnë drejt treguesve kaq të lartë. Në këtë sfond Bullgaria është një përjashtim i vërtetë në Detin e Zi. Shkaku janë përpjekjet e vendit tonë për të ndërtuar stacione pastrimi në qytetet bregdetare dhe në lumenjtë që derdhen në det. Kështu që po të doni të dini se cili është vendi më i pastër në Detin e Zi, ku të kaloni pushimet verore, përgjigjen do ta gjeni në raportin e KE-së. Për sa u përket ujërave për banjë në brendësi të kontinentit, vetëm Bullgaria dhe Sllovenia kanë 100% përputhje me kërkesat e detyrueshme.

Por ka nja 10% të ujërave për banjë tek ne, të cilat nuk u përgjigjen kritereve më të rrepta të KE-së. Vendi më problematik është plazhi jugor i qytetit Varnë. Cilat janë shkaqet?

“Kjo zonë ndodhet afër portit të Varnës – thotë d-r Dimitrov. – Ndotja e ujërave ndonjëherë bëhet dhe për shkak të kapacitetit të pamjaftueshëm të stacioneve të pastrimit. Ne e dimë se ka vende problematike dhe atje po bëhen kontrollime nga ana e Ministria e Shëndetësisë dhe Ministria e Mjedisit dhe Ujërave me qëllim të gjenden shkaqet dhe të merren masa për mënjanimin e tyre.”

Të dhënat për ujërat për banjë në Bullgari gjatë të tre vjetëve të fundit, qëkurse Bullgaria është anëtare e BE-së, tregojnë një tendencë të qëndrueshme drejt përmirësimit, thuhet në raportin e KE-së.

Përgatiti në shqip: Ekaterina Tarpomanova

По публикацията работи: Maria Dimitrova

Последвайте ни и в Google News Showcase, за да научите най-важното от деня!

Ndaje

Ujërat bullgare për banjë janë në vendin e pestë në Evropë për nga pastërtia

Më shumë nga rubrika

WWF Bullgaria i kushton vëmendje mbrojtjes së arinjve

Pse disa nga rrugët e Pragës mbajnë emrat e iluministëve bullgarë?

A do të çojë në një sulm bërthamor vendimi i SHBA-ve për të lejuar Ukrainën të godasë objektiva brenda Rusisë me armë të tyre?

Pse disa nga rrugët e Pragës mbajnë emrat e iluministëve bullgarë?

WWF Bullgaria i kushton vëmendje mbrojtjes së arinjve