Astrid Turs: “Finlanda do të vlerësojë drejtësisht gatishmërinë e Bullgarisë për aderim në Shengen”

botuar më 11-02-09 12.22.MD

Ministrja finlandeze për migrimin dhe çështjet evropiane Astrid Turs

Foto: BGNES

Finlanda do të pretë vlerësimin e raportit për gatishmërinë teknike të Bullgarisë dhe propozimin e presidencës hungareze të BE-së për procesin e aderimit në Shengen dhe pastaj do të marrë vendim nëse do të mbështetë aderimin e Bullgarisë dhe Rumanisë në Shengen. Këtë e tha ministrja finlandeze për migrimin dhe çështjet evropiane Astrid Turs pas takimit të saj me ministrin e jashtëm bullgar Nikolaj Mladenov në Sofje. Sipas saj Finlanda nuk do të lidhë këtë vendim me Mekanizmin për bashkëpunim dhe kontroll të Komisionit Evropian për dy vendet në fushën “Drejtësia dhe rendi i brendshëm”.

“Finlanda e vlerëson çdo një rast – tha Astrid Turs lidhur me qëndrimin e vendit të saj ndaj aderimit të Bullgarisë në Shengen. – Ne nuk vëmë afate përfundimtare për vendimet dhe do të presim propozimin e presidencës hungareze të BE-së në bazë të përparimit të vendit tuaj. Është e qartë se Mekanizmi për bashkëpunim dhe kontroll është një proces i ndryshëm dhe nuk koincidon me procesin e aderimit në Shengen. Pozita e qeverisë finlandeze për këtë si duhet të vlerësohet gatishmëria për Shengen është se duhet të merren në konsideratë hapat e bërë nga Bullgaria dhe Rumania. Do të presim raportin e ardhshëm teknik për gatishmërinë e dy vendeve, por nuk angazhohemi me afate konkrete për vendimet. Domethënë presim që të shohim përparimin e dy vendeve, presim propozimin e presidencës hungareze dhe pastaj do të marrim vendim në bazë të progresit të arritur”, ishte kategorike zonja Turs.

“Për Bullgarinë temën “Shengen” është shumë e rëndësishme” – tha nga ana e vet ministri i jashtëm bullgar Nikollaj Mlladenov. Prandaj ajo është ndër aksentët e bisedimeve të tij me zonjën Astrid Turs. Mlladenovi shprehu bindje se kontrollimi i fundit për zbatimin teknik të kritereve për aderim të Bullgarisë do të jetë me rezultat pozitiv.

“Mendojmë se Finlanda, si një shtet i cili gjithmonë ka respektuar ligjet dhe rregullat e BE-së, do të vlerësojë siç duhet arritjet e Bullgarisë në këtë fushë. – tha ai – Shpresojmë se në kuadrin e kryesisë hungareze të BE-së aderimi i Bullgarisë dhe Rumanisë në Hapësirën Shengen do të bëhet fakt. Ne, në qeverinë bullgare e dimë se këtu nuk bëhet fjalë për konkurrim – kush do të hyjë më shpejt në Zonën Shengen. Kur plotësojmë kriteret, vendimin do ta marrin shtetet anëtare.

Integrimi i romëve në shtetet e Evropës Qendrore dhe Lindore dhe Strategjia Danubiane e BE-së janë dy temat e tjera për të cilat folën Nikollaj Mlladenov dhe Astrid Turs në Sofje. Ministri Mlladenov tha se Bullgaria mund të shfrytëzojë përvojën 50-vjeçare të Finlandës në integrimin e romëve, mund të mësohemi nga përvoja e pasur dhe praktikat e mira e këtij shteti për zgjidhjen e problemit të madh social. Zonja Turs shprehu kënaqësinë e vet nga fakti se Bullgaria ka një metodë të re të integrimit të romëve, në të cilën theksi është mbi arsimin dhe shëndetësinë.

Përgatiti në shqip: Jordanka Ivanova

По публикацията работи: Tatjana Obretenova

Последвайте ни и в Google News Showcase, за да научите най-важното от деня!

Ndaje

Astrid Turs: “Finlanda do të vlerësojë drejtësisht gatishmërinë e Bullgarisë për aderim në Shengen”

Më shumë nga rubrika

"Radio Bullgaria" e Radios Kombëtare Bullgare fillon një podkast për komunat tona ortodokse jashtë vendit

Studentët nga Universiteti i Sofjes ishin mysafirë të Radio Bullgarisë

Patriku bullgar Daniill ndodhet në Tiranë për ceremoninë mortore të Kryepeshkopit të Shqipërisë Anastasi

Shkencëtarët bullgarë në Antarktidë analizojnë aktivitetin diellor dhe ndikimin e tij në Tokë

Tre vjet më vonë - për luftën në Ukrainë, paqen dhe të ardhmen