Prioritet investuese të ekonomisë bullgare

botuar më 11-05-12 12.19.MD

“E ardhmja e ekonomisë bullgare është në zhvillimin e bujqësisë, turizmit dhe energjetikës bërthamore”, deklaroi kryeministri Bojko Borisov në hapjen e forumit.

Foto: Tanja Harizanova

Çfarë janë investimet, për të cilat Bullgaria ka nevojë dhe se si ajo do t’i tërheqë? Si shteti bullgar mund të bëhet pjesë e hartës evropiane të destinacioneve për investim? Si investimet mund ta ndryshojnë kartëvizitën industriale të bullgarisë? Këto janë pyetjet, të cilat duhen të marrin përgjigje nga Strategjia për Tërheqjen e Investimeve, e përpunuar nga Ministria e Ekonomisë, Energjetikës dhe Turizmit. Ajo ishte prezantuar në një forum, kushtuar prioriteteve të ekonomisë bullgare për 10 vjetët e ardhshme. Qëllimi i Strategjisë është që gjatë vitit 2020 Produkti i Brendshëm Bruto i Bullgarisë të jetë 60% të Produktit të Brendshëm Bruto për BE.

E ardhmja e ekonomisë bullgare është në zhvillimin e bujqësisë, turizmit, energjetikës bërthamore, mendon Bojko Borisov, i cili hapi forumin. “Nafta jonë – këto janë ushqimet tona dhe Bullgaria është një parajsë për prodhimin e tyre – komentoi kryeministri bullgar. – Kemi më se 600 burime minerale. Të mos flasim për lumenjtë me uji të pastër e të pijshëm. Nuk është larg koha, kur njerëzimi do të ketë një nevojë të ashpër për ushqime dhe për uji.”
Kryeministri Borisov ishte kategorik se pa zhvillim të energjetikës bërthamore ekonomia bullgare nuk do të jetë mjaft konkurruese. Më e rëndësishme gjatë viteve të ardhshme do të jetë disiplina financiare. Eja pse Pakti për stabilitet financiar, i cili diskutohet shumë kohët e fundit do të luajë një rol prijës për daljen e Bullgarisë nga kriza, sepse do të garantojë një disiplinë buxhetore. Kështu do të sigurohen premisat për rritjen ekonomike të shtetit. Sipas kryeministrit saktësimi i sektorëve me prioritet do të përfundojë lëkundjet e ekonomisë tonë në një ose tjetër drejtim sipas koniunkturës së momentit.

Ministri ekonomik Trajço Trajkov: “Pavarësisht nga kriza Bullgaria mund!”

Konkurrenca për tërheqjen e kapitaleve të huaja është e mprehtë dhe Bullgaria merr pjesë në këtë treg në nivel global. Për projektet e mëdha në sektorin e prodhimi shteti po konkurrohet si një destinacion investime me të paktën 10-12 shtete të tjera. Në fushën e “outsourcing”-ut dhe teknologjive informative shpesh konkurrohen 30-40 shtete. Në 20 vjetët e fundit Bullgaria ka tërhequr investime për 40 mlrd euro dhe vetëm 5% prej tyre janë lidhur me privatizimin, tha gjatë forumit ministri ekonomik Trajço Trajkov. Mjetet e investuara në sektorin e ndërtimit dhe të pronave të patundshme gjatë viteve të fundit arritën 80% nga investimet e drejtpërdrejta, por ky nuk është varianti më i mirë për zhvillimin e ekonomisë bullgare. “Sepse këto investime kanë karakter të përkohshëm – diçka si sheqeri për sportistët” – komentoi ministri Trajkov. Lajmi i mirë është se për herë të parë prej shumë vitesh investimet janë kryesisht në industri dhe energjetikë. “Pavarësisht nga kriza Bullgaria mund!” – është kategorik ministri i ekonomisë.

Cilat do të jenë prioritetet e ekonomisë bullgare gjatë 10 vjetëve të ardhshme?

“Qëllimi është që të bëhemi liderë në përtëritjet në disa industri – tha gjatë forumit Trajço Trajkov. – Fokusi duhet të jetë mbi tërheqjen e investimeve në sektorin IT, në softuerin dhe “outsourcing”-un. Sektorët e tjerë janë teknologjitë e pastra si mekanika, elektronika, kimia, bioteknologjitë. Bullgaria duhet të kërkojë investime të drejtpërdrejta të huaja, të lidhura me bujqësinë biologjike, ushqimet biologjike, shtesat ushqimore etj. Industritë në fushën e farmaceutikës dhe shëndetësisë janë pjesa tjetër e strategjisë. Të gjithë sektorët e lartpërmendur kanë të bëjnë me turizmin dhe me konceptin tonë për zhvillimin e formave të tij alternative, kështu që Bullgaria të bëhet një destinacion modern për turizëm gjatë tërë vitit.”

Përgatiti në shqip: Jordanka Ivanova

По публикацията работи: Tanja Harizanova

Последвайте ни и в Google News Showcase, за да научите най-важното от деня!

Ndaje

Prioritet investuese të ekonomisë bullgare

Më shumë nga rubrika

Papunësia në Bullgari u ul në 4.4%, në BE - në 6.4%

BNB njoftoi ulje të re të normës kryesore të interesit

Georgi Kadiev nga e “Majta”: “Më mirë pres që të hyjmë në Eurozonë në vitin 2027”

BNB njoftoi ulje të re të normës kryesore të interesit

Papunësia në Bullgari u ul në 4.4%, në BE - në 6.4%