Bullgaria shfrytëzon vetëm 6 për qind të ujërave minerale

botuar më 11-10-19 10.26.PD

Foto: BGNES

Bullgaria është njëra nga vendet në Evropë që ka pak burime ujore mbitokësore. Kjo shpjegohet me faktin se lumenjtë malorë në vend, e kanë rrjedhën e fortë jashtë territorit të Bullgarisë. Mirëpo, në vend ka shumë burime minerale nëntokësore. Pohohet që po të mblidhet ato, do ta kalojnë numrin e të të gjitha shisheve me ujë mineral në botë. “Në vend burimet nëntokësore nuk janë studiuar, as përdoren masivisht”, sqaron Doktori i Shkencave Gjeologjike Kostadin Shterev. Në “Atlasin e burimeve gjeotermale të Evropës”, të botuar nga Komisioni Evropian, Kostadin Shterev është autori i kapitullit kushtuar burimeve hidrologjike e gjeotermale të Bullgarisë.

Për Pasurinë minerale të tokave bullgare dihet që nga kohërat e lashta. Sot në të gjitha pjesët e Bullgarisë mund të shihen mbeturinat e vendeve, ku romët i kanë përdorur ujërat minerale për shërim. Disa nga këto qendra të lashta gjendet në qytetet Hisaria, Kystendil, Burgas, Sapareva banja, Sliven dhe Sofje. Ujërat minerale të Bullgarisë kanë cilësi të ndryshme dhe mund të përdoren si për të pirë, ashtu edhe për të shëruar. Temperatura e tyre luhatet nga 25 deri mbi 100 gradë. Burimet më të nxehta në vend janë ato në Sapareva banja të malit Rila – 101.4 gradë. Ujërat në Bullgari janë me përmbajtje të ulët dhe të lartë të mineralizimit, janë të kripura apo të ëmbla. Po ashtu i kanë të gjitha karakteristikat shëruese të ujërave minerale. Gjithashtu ujërat mund të përdoren edhe për ngrohje. Ky është një potencial, prej të cilit nuk përfitojmë për momentin.

Çfarë dimë për këtë “ar të lëngshëm”? Në Bullgari janë zbuluar mbi 225 burime të ujërave minerale. Debiti i përgjithshëm është relativisht mbi 5000 litra në sekondë. Prej tyre në vit mund të përdoret mbi 100 milionë metra kubikë. Por mezi 6 për qind të ujërave minerale janë studiuar mirë, pohon prof. Shterev. Pjesa dërmuese e burimeve minerale gjendet në Bullgarinë Jugore – 148, derisa në Bullgarinë Veriore ato janë 77. Kjo është kështu, sepse në pjesën jugore të vendit ujërat minerale burojnë nga toka, kurse ato të pjesës veriore mund të zbulohen vetëm duke u sonduar. Sipas prof. Shterev ujërat e nxehta minerale mund të ndihmojnë në zhvillimin e ekonomisë në më shumë se 150 qytete bashkiake. Ai është i mendimit se zonat malore dhe ato buzë detit me ujëra minerale kanë përparësi bioklimatike në krahasim me qendrat për pushim dhe shërim të Evropës Qendrore e Veriperëndimore, të Karpateve dhe maleve Apenine.

Në Rrafshin e Danubit dhe në krahinën Ludogorie të Bullgarisë Veriore ka shumë ujëra të nxehta të kripura. Ato shtrihen në 20 mijë kilometra katrorë dhe janë burime të energjisë gjeotermale, thotë prof. Shterev. Burimi më i cekët e ka sipërfaqen 8 mijë kilometra katrorë. Ai gjendet në pjesën e mesme të Rrafshit të Danubit dhe në shtrihet në rajonin e qyteteve andej Vraca dhe Vidin. Debiti i ujërave të burimit është rreth 220 miliardë metra kubikë. Po të përdoren për energji elektrike, ajo do të jetë 70.10 në fuqinë e tetëmbëdhjetë J (xhaul).

Pasuria e burimeve minerale të Bullgarisë është e pavlerësuar. Ne jemi i vetmi vend i BE-së, në të cilin për gjeologët nuk krijohen kushte për studim. Në buxhetin shtetëror nuk janë parashikuar mjetet e duhura, thotë studiuesi. Ai bën thirrje për më shumë investime në këtë fushë, ndryshime në legjislacion dhe përpilim të strategjive kombëtare dhe rajonale në lidhje me kërkime dhe studime hidrologjike të burimeve gjeotermale.

Përgatiti në shqip: Anna Kapitanova

По публикацията работи: Maria Dimitrova

Последвайте ни и в Google News Showcase, за да научите най-важното от деня!

Ndaje

Bullgaria shfrytëzon vetëm 6 për qind të ujërave minerale

Më shumë nga rubrika

Chat-i bullgar me inteligjencën artificiale BgGPT mund të shfrytëzohet falas nga të gjithë

Pse Sofja është kryeqyteti i përshtatshëm për Tubimin Panortodoks

Bullgaria është e para në BE që realizoi inteligjencën artificiale të nivelit të lartë në gjuhën e saj

Chat-i bullgar me inteligjencën artificiale BgGPT mund të shfrytëzohet falas nga të gjithë