Fillojnë “Festat e Mocartit Pravec 2012”

botuar më 12-08-16 11.55.PD

Uvertura e Operës “Idomeneo”

Update Required To play the media you will need to either update your browser to a recent version or update your Flash plugin.

Uvertura e Operës “Don Zhuani”

Update Required To play the media you will need to either update your browser to a recent version or update your Flash plugin.

Për herë të tetë të radhës qyteti Pravec (Bullgari Perëndimore) është mikpritës i festivalit kushtuar muzikantit të madh Wolfgang Amadeus Mozart. Dita e parë e programit – 16 gushti, i është kushtuar një prej kryeveprave të tij operistike. Në një skenë, të ndërtuar në liqenin para hotelit me katër yje të qytetit do të paraqitet opera “Martesa e Figaros”, me regji të Pavell Gerxhikovit dhe dirigjent Luciano di Martino. Më 17 gusht do të paraqitet spektakli i baletit “Arabesk” me muzikë nga opera “Don Zhuani”. Orkestrimi është i Hristo Petkovit.

Më 18 gusht në vatrën e kulturës “Zarja 1895” do të zhvillohet aktiviteti “Një takim me autograf”, në të cilin do të marrë pjesë këngëtarja e njohur operistike Darina Takova. Ideja për zhvillimin e këtij takimi është e zonjës Hristina Angellakova, kryetare e shoqatës “Festat e Mocartit Pravec 2004”. Ja se çfarë tha ajo para mikrofonit të Radio Bullgarisë: “Mua më pëlqen shumë sopranoja Darina Takova. Kjo është një këngëtare e mrekullueshme dhe një njeri shumë i mirë. Gëzohem shumë se është në Bullgari dhe mund të marrë pjesë në Festat e Mocartit. Do të projektojmë fragmente prej një spektakli të saj në Operën e Romës “Don Zhuani”, me regji të Franco Zeffirelli. Pas kësaj miqtë e festivalit do të mund të takohen dhe të bisedojnë me Darina Takovën.”

Përsëri më 18 gusht në sheshin e Pravecit do të mbahet dhe një koncert i madh, me emrin “Një muzikë e madhe nate”. Ai do të takojë në skenë yje të operës, muzikantë të njohur të stilit pop dhe xhaz.

“Që në edicionin e vitit të kaluar kishim organizuar një mbrëmje të tillë muzikore, e cila u prit shumë mirë nga publiku – thotë zonja Angellakova. – Tani kemi ftuar Orkestrën simfonike të Radios Kombëtare Bullgare. Dirigjenti i saj do të jetë Maksim Eshkenazi – me të punojmë për herë të parë në skenën e festivalit. Solistë do të jenë këngëtarë të njohur operistikë. Ndër ta është Dejan Vaçkov. Para pak kohe bullgari mori pjesë në “Karmen” në skenën e Arena di Verona të Italisë.”

Në Festivalin e Mocartit do të marrë pjesë dhe një duet origjinal – violinisti i njohur Vesko Panteleev-Eshkenazi dhe kompozitori i muzikës pop Dani Milev. Të dy do të paraqitin për herë të parë këngën e tyre të përbashkët, kushtuar festivalit.

Ndër miqtë e huaj të forumit muzikor janë “Nikola Sala Saks Kuartet” nga Italia, të cilët do të interpretojnë vepra të Mocartit me orkestrim të posaçëm. Programi i mbrëmjes do të gëzojë dhe fansat e muzikës xhaz. Ata do të mund të dëgjojnë interpretimin e “Mihail Josifov Sekstet” dhe të këngëtares Milica Glladnishka.

Dita e fundit e programit të “Festave të Mocartit Pravec 2012” do të paraqesë një sintezë interesante prej muzikës instrumentale dhe vokale, modës dhe valles nga epoka e Mocartit deri më sot.

Përgatiti në shqip: Vesella Mançeva

По публикацията работи: Monika Aleksandrova

Последвайте ни и в Google News Showcase, за да научите най-важното от деня!

Ndaje

Fillojnë “Festat e Mocartit Pravec 2012”

Më shumë nga rubrika

Paola e re dhe "Fuqia e dashurisë"

“Peshore” – kënga më e fundit e Projektit “Artistë këngëtarë”

"Çelësi Sol" zhbllokon kujtimet e shtëpisë së babait

"Të mos jemi vetëm" – një këngë me mesazh të fortë

“Magjia” një këngë për marrëdhëniet romantike tashmë të harruara