Mjekë protestojnë kundër mënyrës së financimit të shëndetësisë

botuar më 12-10-30 12.07.MD

Diagnoza për gjendjen e sistemit shëndetësor në Bullgari nuk është optimiste, paralajmërojnë nga Bashkimi i Mjekëve

Foto: BGNES

Në fushën e shëndetësisë në Bullgari mungojnë para, bëri të ditur për herë të radhës Bashkimi i Mjekëve në vend. Në deklaratën e firmosur ata e përcaktojnë sistemin e shëndetësisë katastrofë. Mjekët janë të mendimit se përzierja e sigurimit të detyrueshëm shëndetësor, sigurimit suplementar shëndetësor dhe e shpërndarjes së buxhetit shkaktoi kaos të madh në sistem. Ata pohojnë se Instituti i Sigurimeve të Kujdesit Shëndetësor është “një strukturë politike e cila shpërndan paratë në mënyrë që shoqëria të jetë e pakënaqur dhe mjekët të largohen nga vendi.”

dr. Cvetan Rajçinov

Kryetar i Bashkimit Bullgar të Mjekëve, dr. Cvetan Rajçinov nguli këmbë që të rishqyrtohet buxheti i Institutit të Sigurimeve të Kujdesit Shëndetësor. Sipas tij nuk janë të caktuara paratë që do t’u nevojiten imunizimeve falas, fekondimit in vitro dhe pagesave të departamenteve të Ministrisë së Shëndetësisë ndaj Institutit të Sigurimeve. “Buxheti i shëndetësisë jo vetëm se nuk u rrit konsiderueshëm, por u pakësua ndjeshëm – tha dr. Rajçinov. – Është e parealizueshme që të marrim përsipër veprime të cilat i takojnë shtetit. Kur vitin e kaluar u transferuan disa veprime shëndetësore nga Ministria ndaj Institutit të Sigurimeve të Kujdesit Shëndetësor, doli se financimi për këto ishte shumë më pak se sa para nevojiteshin. Sot kjo gjendje përsëritet. Bashkimi Bullgar i Mjekëve nuk ka kërkuar më shumë mjete, e kemi fjalën për rritjen e kuotës së sigurimit shëndetësor, për rritjen e tatimeve etj. Ne kërkojmë vetëm atë që duhet sipas ligjit – të financohet normalisht puna e mjekëve në Bullgari. Përveç anës financiare të çështjes, një problem tjetër është se në vit largohen nga vendi 500 mjekë dhe jo veç se nuk paguhen mirë, por edhe pse ata nuk gjejnë në Bullgari kushte të mira pune.”

Disa ditë para deklaratës së Bashkimit të Mjekëve nga Asociacioni i Kirurgëve paraqitën të dhëna për pakësim të konsiderueshëm të numrit të kirurgëve në Bullgari. I njëjti problem qëndron tek anesteziologët, patologët, pediatrit dhe infermieret. Bullgaria është e vetmi vend në Evropë ku nuk ka spital të specializuar të pediatrisë. Edhe pse problemet gjatë viteve u shtuan, Bashkimi i Mjekëve ngul këmbë që presidenti Rosen Plevneliev të mbledhë së shpejti Këshillin e Sigurimit Kombëtar dhe të shqyrtohet situata e shëndetësisë në Bullgari që detyrë i takon qeverisë.

“Këtë që e kërkojmë ne, nuk e insistojmë për shëndetësinë vetvetiu, e kërkojmë për gjithë kombin – thotë dr. Rajçinov. – Popullsia bullgare po plaket dhe po pakësohet. Kemi treguesin më të vogël të lindshmërisë në Evropë dhe njëkohësisht atë më të madh të vdekshmërisë. Po ashtu niveli i sëmundjeve në Bullgari është më i lartë në raport me vendet e tjera të Evropës, si dhe sistemi i shëndetësisë te ne është pak i siguruar. Do të zhvillojmë bisedime deri më fund. E kemi këtë detyrë sipas ligjit. Në varësi të rezultateve që do të arrijmë mbledhja e Bashkimit Bullgar të Mjekëve do të marrë vendimin a do të ketë marrëveshje apo jo.”

Mjekët ngulin këmbë që së pakti 7 për qind e PBB-së t’i drejtohet shëndetësisë, të sigurohet mbledhja e kuotave të sigurimit shëndetësor dhe shteti t’i sigurojë personat të cilave u takon të sigurohen sipas ligjit. Po ashtu të caktohen njerëzit të cilët duhet të marrin ndihma sociale, d.m.th. çlirim nga pagesat për sigurimin shëndetësor ose pagim suplementar të shërbimeve mjekësore. Mjekët kërkojnë që të caktohet me ligj kush do t’u paguajë spitaleve për shërbimet mjekësore suplementare.

Përgatiti në shqip: Anna Kapitanova

По публикацията работи: Diana Hristakieva

Последвайте ни и в Google News Showcase, за да научите най-важното от деня!

Ndaje

Mjekë protestojnë kundër mënyrës së financimit të shëndetësisë

Më shumë nga rubrika

Banorët e fshatit Zmejovo shënojnë festën e verës së pelinit, recetën e së cilës e ruajnë me xhelozi

Adhurues të thurjes bashkohen në një komunitet për të ruajtur zanatin tradicional

Në nivel personal, 60% e bullgarëve janë të kënaqur me vitin 2024, optimistë për vitin 2025 janë 47%

Nëse Google mund të fliste - për çfarë ishim të emocionuar në 2024