“Dritë e gjelbër” për pistat e reja të skijimit në malin Pirin

botuar më 13-02-21 1.20.MD

Foto: BGNES

Në sfondin e protestave në masë kundër faturave të larta të rrymës dhe një ditë para kabineti Borisov të japë dorëheqje, Ministria e Mjedisit dhe Ujërave në Bullgari lejoi ndërtimin në malin Pirin. Mirëpo, në planin e menaxhimit të malit nuk janë të parashikuara pista të reja të skijimit në vendpushimin dimëror Bansko. Megjithëse mbrojtësit e natyrës u hodhën në protestë, kërkesat e tyre nuk u morën parasysh.

Pse ua dha aq shpejt “dritë të gjelbër” ndërtimit të malit Pirin? U miratuan ndryshime në planin e menaxhimit pak kohë para se ai të skadojë dhe jo kur duhet të diskutohet plani i ri. Kjo ishte një strategji e menduar mirë. U lejua ndërtimi i pistave të reja të skijimit në Bansko në moment kur shteti është përfshirë nga protesta dhe kur qeveria dha dorëheqje. Në fakt, forca e kundërshtarëve u dobësua sepse aktualisht askush nuk interesohet për malin Pirin, komentojnë mbrojtësit e natyrës nga Koalicioni “Që të mbetet natyra në Bullgari”.

Çfarë ndodhi? Për herë të parë në historinë e Këshillit të Lartë të Ekologjisë nuk u lejua vota e përfaqësuesve nga Akademia Bullgare e Shkencave, institutet e tjera shkencore, universitetet dhe nga organizatat joqeveritare. Për herë të parë u miratuan ndryshime në planin e menaxhimit pa u bërë vlerësimi i detyrueshëm i ekologëve dhe pa u bërë vlerësimi për pajtim me rrjetin evropian “Natura 2000”. Mbrojtësit e natyrës në vend kujtojnë se vlerësime të parqeve bëhen bile kur këto të fundit pajisen me karrige, tavolina e tualete etj.

Koalicioni “Që të mbetet natyra në Bullgari” vë në dukje se ndërtimi në Parkun Kombëtar “Pirin” është i lejuar në një sipërfaqe prej 2188 akrash. Mirëpo, Këshilli i Lartë i Ekologjisë e pesëfishoi këtë sipërfaqe, duke lejuar ndërtimin në 8951 akra. Bëhet fjalë për 600-800 mijë drurë shumëshekullorë, të cilët do të asgjësohen.

Leja për ndërtimin e pistave të reja të skijimit u kërkua nga Bashkia Bansko. Mirëpo, bashkia ende nuk ka përkufizuar propozimet konkrete të zhvillimit të zonës së skijimit. Sipas ligjit pa u hartuar një plan i tërë i menaxhimit, nuk vijon të jepet leja.

Mbrojtësit e natyrës komentojnë se shkelen tri direktiva evropiane – e habitateve, e shpendëve dhe e vlerësimit ekologjik. Gjithashtu shkelen edhe tri ligje bullgare – i territoreve të mbrojtura, i larmisë biologjike dhe i mbrojtjes së mjedisit. Për herë të radhës do të kërkohet ndihma e Brukselit. “Do të insistojmë për tri procedura penale për shkeljen e legjislacionit evropian nga ana e qeverisë bullgare”, deklaruan mbrojtësit e natyrës.

Në qoftë se Evropa e gjobojë Bullgarinë për asgjësimin e malit Pirin, kush do të paguajë – populli, ndërmarrësi i cili përfton ose qeveria e cila e lejon këtë të fundit që të shkelë legjislacionin evropian?

Përgatiti në shqip: Anna Kapitanova

По публикацията работи: Maria Dimitrova-Pisho

Последвайте ни и в Google News Showcase, за да научите най-важното от деня!

Ndaje

“Dritë e gjelbër” për pistat e reja të skijimit në malin Pirin

Më shumë nga rubrika

BTA prezanton një font unik me rastin e përvjetorit të saj

Gëzuar 89 vjet, Radio Bullgaria!

Një lajm i mirë – pelikani i parë i sezonit u çel pranë Tutrakanit

Në botën magjike të "fëmijëve të Ivan Vazovit" dhe të gjuhës bullgare në Paris

Jeta e trakëve dhe zbulimet e shkencëtarëve vendas – në fokus në "Lugina e mbretërve trakë"