Orkestra Simfonike pranë Radios Kombëtare Bullgare hap stinën e saj të re

botuar më 13-10-10 12.04.MD

Foto: BGNES

Fr. prej pjesës së parë të Simfonisë №4 nga Dmitrij Shostakoviçi, dirigjent Emill Tabakov

Update Required To play the media you will need to either update your browser to a recent version or update your Flash plugin.

Fr. prej poemës simfonike “Jeta e heroit” nga Rihard Shtrausi, dirigjent Milen Naçev

Update Required To play the media you will need to either update your browser to a recent version or update your Flash plugin.

Orkestra simfonike pranë Radios Kombëtare Bullgare do të hapë stinën e saj të re më 11 tetor. Koncerti i parë do të jetë me solistët e shquar – violinistët Minço dhe Nikollaj Minçevi. Kryedirigjenti Emill Tabakov dhe udhëheqja e orkestrës kanë seleksionuar vepra nga thesari muzikor botëror, të cilat janë pak të njohura në Bullgari.

Emill Tabakov, Minço Minçev dhe Nikolaj Minçev (nga e djathta në të majtë)

“Orkestrën do ta drejtojnë disa prej dirigjentëve më të mirë bullgarë– Georgi Dimitrov dhe Jordan Dafov. Dirigjentët e huaj këtë vit do të jenë dy – Filip Grijnbërg nga SHBA-ja dhe Aleksandër Mirat nga Greqia – tregon kryedirigjenti Emill Tabakov. – Gëzohem shumë se do ta hapin stinën me miqtë dhe kolegët e mi të mirë. Mendoj se programi kushtuar hapjes së stinës është shumë interesant dhe origjinal. Do ta fillojmë me një koncert për violinë të Jozef Hajdnit. Pas kësaj vazhdojmë me Alfred Shnitke, i cili ka kompozuar një vepër shumë origjinale për dy violina, me emrin “Mocart a la Hajdn”. Pas pauzës do të dëgjoni një vepër krejt të ndryshme të Gustav Malerit. Një prej prioriteteve të mia pasi fillova të punoj me Orkestrën e Radios është që të përfshij në repertor Dmitrij Shostakoviçin. Para disa vitesh veprat e tij interpretoheshin shpesh, por simfonitë e tij janë pak të njohura. Kam dëshirë për t’i incizuar të gjithat, me përkrahjen e kompanisë muzikore “Gega Nju”.

Gjatë stinës 2013-2014 Orkestra Simfonike pranë Radios Kombëtare Bullgare shënon një përvjetor, që festohet në mbarë botën – bëhet fjalë për 200 vjetorin e lindjes së Xhuzepe Verdit. Në program janë përfshirë dhe koncerte kushtuar përvjetorëve të Rihard Shtrausit, Johanes Bramsit, Benxhamin Britënit dhe Sergej Rahmanovit. Publiku do të mund të dëgjojë dhe vepra më pak të njohura të Aleksandër Vladigerovit, Georgi Minçevit dhe Ivan Spasovit, të cilët në vitin 2013 gjithashtu kanë jubile. Ndër theksat në kalendarin e Orkestrës Simfonike është dhe premiera botërore e “Divertimento groso” të Ljubomir Denevit. Autori do të jetë solisti kryesor dhe dirigjenti i orkestrës.

Përgatiti në shqip: Vesella Mançeva

По публикацията работи: Monika Aleksandrova

Последвайте ни и в Google News Showcase, за да научите най-важното от деня!

Ndaje

Orkestra Simfonike pranë Radios Kombëtare Bullgare hap stinën e saj të re

Më shumë nga rubrika

"Mrekullia e Krishtlindjes" - një këngë tjetër kushtuar Krishtlindjeve

“Të pëlqej”... një dhuratë feste nga Bellosllava

"Të dy"

Vasko Vasilev-Bazilio në vitin e ri me kujtime dhe mirënjohje

Paola e re dhe "Fuqia e dashurisë"