2013-a viti i kontinuitetit në politikën euro-atlantike të Bullgarisë

botuar më 13-12-09 1.12.MD

Foto: Foto:arkiv

2013-a është një nga vitet e tranzicionit në Bullgari kur u ndërruan tri qeveri – qeveria e Bojko Borisovit, e cila dha dorëheqje, qeveria teknike e Marin Rajkovit dhe qeveria e sotme e Pllamen Oresharskit. Është për të përmendur se zëvendësimi i pushtetit ekzekutiv nuk çoi në ndryshime në politikën euro-atlantike të Bullgarisë.

Megjithë kohën e shkurtër të mandatit të tij, kryeministri teknik gjeti kohë për të informuar BE-në dhe NATO-në se Bullgaria nuk do të ndryshojë detyrat e veta dhe do të vazhdojë t’i kryejë ato. Kryetari i Këshillit të Evropës, z. Herman van Rompoj dhe sekretari i përgjithshëm i NATO-s, z. Anders Fog Rasmusen ishin njoftuar kategorikisht nga pala bullgare se do të ketë kontinuitet të plotë në politikën e jashtme të Bullgarisë. Dhe në të vërtetë, qeveria teknike vazhdoi luftimin e papunësisë tek të rinjtë, rimëkëmbjen e sektorit energjetik, përshpejtimin e shlyerjes së detyrimeve sipas programeve evropiane, si dhe negocimin e fondeve evropiane në periudhën 2014-2020. Bullgaria as hoqi dorë nga pjesëmarrja e saj në misionin e NATO-s në Afganistan. Bile u diskutuan mundësitë për trajnime të mëtejshme pas fundit të 2014-ës.

Të njëjtë logjikë e vërejmë edhe te politika e jashtme e kabinetit të Pllamen Oresharskit. Prioritetet kyçe të shtetit gjatë këtij viti ishin kontinuiteti në politikën e jashtme, pjesëmarrja e plotë në BE, zhvillimi i bashkëpunimit regjional në Evropën Juglindore dhe në rajonin e Detit të Zi. Po ashtu qeveria e Pllamen Oresharskit bëri përpjekje të marrë aktivisht pjesë në formimin e politikave në Evropë. Kjo u duk sidomos në pjesëmarrjen në programin e BE-së për partneritet me ish-republikat sovjetike – Bjellorusi, Moldavi, Ukrainë, Armeni, Azerbajxhan dhe Gjeorgji. Në fushën e sigurisë kombëtare kabineti adoptoi politikën e mëparshme të “kërkimit të zgjidhjeve inteligjente”, të cilat synojnë zhvillimin e aftësive internacionale dhe kolektive.

Kontinuiteti në politikën e jashtme të tre qeverive u duk qartë në diskutimet lidhur me përfshirjen e “Hizbullah”-ut në listën e organizatave terroriste në Evropë. Në këto diskutime kabineti “Borisov”, kabineti “Rajkov” dhe kabineti “Oresharski” morën pjesë shumë aktive, përfshi duke paraqitur informacione për atintanin në aeroportin e Burgasit, pa marrë përgjegjësinë e plotë për fajësimin e autorit.

Kontinuiteti në politikën euro-atlantike të Bullgarisë gjatë 2013-ës u zhvillua në sfondin e krizës së rëndë ekonomike dhe të tensioneve sociale. Situata politike, ekonomike e sociale ishte shumë e komplikuar edhe gjatë të trija kabineteve. Bullgaria u përballua me sfida shumë të vështira. Megjithatë u tregua një partner largpamës.

Përgatiti në shqip: Anna Kapitanova

По публикацията работи: Stoimen Pavllov

Последвайте ни и в Google News Showcase, за да научите най-важното от деня!

Ndaje

2013-a viti i kontinuitetit në politikën euro-atlantike të Bullgarisë

Më shumë nga rubrika

Si do të ndryshojë politika evropiane me përbërjen e re të PE

Refugjatët – një pjesë e vogël por e rëndësishme e punëkërkuesve në Bullgari

Vota jashtë shtetit kundër sistemit dhe si votoi për herë të parë 18-vjeçarja Silvia

Filloi Shkolla Verore e Gjuhës Bullgare në Tiranë

Specialistët e filologjisë franceze në vendin tonë kanë mundësi të mira për realizim profesional