Me afro 43 mijë vota vidhi shekullor i qytetit Sliven, kandidati i Bullgarisë për pemë evropiane të vitit 2014, është në krye të klasifikimit elektronik. Në vendin e dytë është një dardhë e bukur e egër nga Hungaria. Deri në final arritën propozimet e 10 vendeve – Bullgaria, Çekia, Polonia, Hungaria, Sllovakia, Irlanda, Franca, Italia, Skocia dhe Uelsi.
Vidhi madhështor në qytetin Sliven është më se 1100 vjet e vjetër. Trungu i tij i fortë dhe i fuqishëm ngre shtat krenar në mesin e sheshit qendror të qytetit dhe është një nga simbolet e tij. Kurora e vidhit është jashtëzakonisht e bukur, shumë e madhe dhe e shtrirë. Hija e pemës është një vend i preferuar për takime nga banorët e qytetit.
Vidhi i qytetit Sliven u konkurrua me afro 30 pemë të tjerë interesante. Ndër ta kishte 5 pemë me histori mijëvjeçare, kryesisht – lisa, rrape, vidha. Mirëpo, doli, se banorët e qytetit Sliven janë patriotë më të mëdhenj, se sa pjesëmarrësit e tjerë në votimin elektronik. Kështu pema e Slivenit grumbulloi dhjetë herë më shumë vota, se sa konkurrentët e saj të tjerë.
Ideja e Konkursit “Pema Evropiane e Vitit” lindi në Çeki në vitin 2010 dhe u përkrah nga komisionari evropian i ambientit rrethues Janez Potoçnik. Që nga viti i parë Bullgaria është pjesëmarrëse aktive. Pemë të mrekullueshme bullgare me histori interesante tashmë fituan një vend të tretë dhe një vend të dytë. Tani ambiciet janë më të mëdha.
Miq të nderuar, në këtë konkurrim fisnik iu shpresojmë edhe përkrahjes suaj. Nëse dëshironi të votoni për vidhin madhështor në qytetin Sliven adresa është http://www.treeoftheyear.org Votimi zgjatet deri më 28 shkurt. Javën e fundit vota për çdo kandidat të veçantë do të jetë e fshehur. Dhe pikërisht kjo votë do të jetë vendimtare.
Përgatiti në shqip: Svetllana Dimitrova
Festivali “Varvara Kite Fest” përfshin klasa të mjeshtërisë, ekspozitë fotografike dhe kinema verore për fëmijë. Edicioni i katërt do të mbahet më 18 dhe 19 gusht në fshatin turistik Varvara, Komuna Carevo, njoftuan organizatorët nga “Mrekullitë e..
Në ditët më të nxehta të verës, anëtarët e Organizatës “Greenpeace” udhëtojnë në të gjithë vendin për të treguar se sa nxehtë është në mjedisin urban. Me ndihmën e kamerave termike zbulojnë temperaturën përreth ndërtesave, e cila në qytete si Plovdiv..
“48 orë Varusha-jug” mbahet në periudhën nga 16 deri më 18 gusht në qytetin Veliko Tërnovo. Festivali paraqet mundësitë e lagjes për kulturë, sport, aktivitete për të gjithë familjen, lidhje me natyrën, veprimtari edukative. Ngjarja është një nismë e..