19 korriku shënohet si Ditë e Shërbimit Diplomatik Bullgar. Në këtë datë në vitin 1879 u lëshua një urdhër i princit Aleksandër I, me të cilin u emëruan përfaqësuesit e parë diplomatikë jashtë shtetit. Në qoftë se i shfletojmë memoaret, do të shohim se Shteti Bullgar ka vendosur për herë të parë marrëdhënie diplomatike me një vend të huaj, Francën, që në kohën e hanit Omurtag, në vitin 824. Dikur mesazhet e hanit i kanë quajtur “hrisovula” (vula të arta, simbol i pushtetit të hanit). Është e qartë edhe origjina e fjalës “diplomacia”. Në Greqinë Antike ambasadorët kanë dorëzuar dy dërrasa të vogla prej dylli, të lidhura njëra tjetrën, të cilat i kanë quajtur “Diplomë”. Më 17 prill 1879 Legjislatura e Parë e Kuvendit Popullor zgjodhi për monark të Principatës së Bullgarisë Aleksandër I. Tre muaj pas kësaj Shteti i Tretë Bullgar e kishte qeverinë e vet të parë. Në përputhje me Kushtetutën e Tërnovos, u krijua një institucion qendror shtetëror për organizimin, udhëheqjen dhe zhvillimin e politikës së jashtme të Bullgarisë nëpërmjet përfaqësisë diplomatike, domethënë Ministria Bullgare e Punëve të Jashtme dhe e Feve. Ministër i jashtëm u zgjodh Marko Ballabanov. Pasi Aleksandër I i lajmëroi udhëheqësit e shteteve fqinje për zënin e fronit nga ai, filloi hapja e ambasadave të para në shtetet përkatëse. Përfaqësuesit diplomatikë bullgarë seleksionoheshin me një vëmendje shumë të madhe. Me një urdhër nga data 19 korrik 1879 u emëruan doktor Dimitër Kiroviç për agjent diplomatik në Beograd, Dragan Cankov në Stamboll dhe Evllogi Georgiev në Bukuresht. Që të bëhet Principata një subjekt me të drejta të barabarta me shtetet e tjera evropiane, ajo duhej të vendosej marrëdhënie diplomatike me to. Disa prej Fuqive të mëdha shpejtonin për ta bërë këtë, disa të tjera – jo. Megjithatë ata filluan vendosjen e marrëdhënieve diplomatike me shtetin e ri bullgar. Që në vitin 1879 dhjetë shtete evropiane e bënë këtë: Rusia, Austro-Hungaria, Franca, Gjermania, Britania e Madhe, Italia, Belgjika, Serbia, Rumania, Turqia. Shumë vite me radhë profesioni i diplomatit ishte prioritet i burrave. Që në kohërat bashkëkohore Diplomate Nr 1 u bë Nadezhda Mihajllova. Disa dekada më herët, pas Luftës së Parë Botërore, legata jonë në Londër hapi dyer për bullgaren e parë – Nadezhda Stançova, e cila u emërua sekretare e legatës. Sot parimet, veprimtaria e diplomacisë sonë, rregullat, statusi i diplomatëve dhe i nëpunësve në ambasada bazohen tek aktet ndërkombëtare, të garantuara nga Konventa e Vjenës për marrëdhëniet diplomatike që nga viti 1961 dhe nga Konventa e Vjenës për marrëdhëniet e konsujve nga viti 1963.
Përgatiti në shqip: Vesella Mançeva
E quajnë Virgjëreshën e Shenjtë Nëna e Jetës së vërtetë, e cila me lutjet e saj shpëton shpirtrat e njerëzve nga vdekja. Ajo është më e dashura dhe më e lavdëruara pas Zotit, tek e cila të gjithë i drejtohen. Kisha e nderon atë më 15 gusht, Ditën e..
Dy kisha me emrin e Shën Nikollës ngrihen në një oborr në fshatin Vlladimirovo në rajonin e qytetit Montana të Bullgarisë Veriperëndimore. Njëra është ortodokse dhe tjetra katolike, gjysmë e rrënuar. Tempulli katolik u ndërtua në vitet 1422-1423 nga..
Pasi në vazhdim të shumë viteve një nga urat emblematike të ndërtuara nga mjeshtri murator Koljo Fiçeto shkatërrohej, aktualisht ajo është gati të mirëpresë sërish turistët. Hapja e saj zyrtare do të bëhet brenda pak ditësh - më 23 gusht...