Ditën e enjte (7 gusht) Komisioni Evropian lidhi Marrëveshjen e Partneritetit me Bullgarinë për periudhën e re të programeve të BE-së 2014-2020. Sipas marrëveshjes Bullgaria do të marrë gjithsej rreth 16 miliarda euro ose rreth 10 miliarda euro nga fondet strukturore e investuese, Fondi i Zhvillimit të Rajoneve Rurale dhe nga Fondi i Veprimtarisë Detare dhe i Peshkimit. Bashkë me paratë nga Fondi i Ndihmës së Personave në nevojë, për pagesat e drejtpërdrejta, si dhe ato nga mekanizmi i lidhjes së Evropës, plus paratë nga bashkëpunimi territorial, në ekonominë bullgare do të investohen gjithsej 16 miliarda euro ndihmë falas.
“Kjo është shenjë e mirë për angazhimin e Evropës ndaj Bullgarisë”. Këtë e tha zv.kryeminsitrja teknike e menaxhimit të fondeve të BE-së, znj. Iliana Canova, ditën e premte gjatë paraqitjes së marrëveshjes së re. Sipas fjalëve të Canovës kjo do t’i fusë reformat në rendin e ditës të Bullgarisë dhe do të mundësohet realizimi i tyre, sepse nuk mund të shtyhen më.
Marrëveshja e Partneritetit pritet të nënshkruhet në fund të muajit gusht. Mjetet sipas tij do të shpërndahen mes nëntë programeve. Prej tyre shtatë janë operative dhe të cilat përfundimisht do të konfirmohen në fund të këtij viti dhe për të cilat janë parashikuar më se 7.4 miliarda euro. Plus dy programet e tjera – Programi i Veprimtarisë Detare dhe i Peshkimit /88 miliona auro/ dhe Programi i Zhvillimit të Rajoneve Rurale /më se 2.3 miliarda euro/.
Sipas parashikimeve nëse të gjitha mjetet absorbohen 100 për qind, kjo do të çojë në rritjen e PBB-së me 8.7 për qind deri në vitin 2020, po ashtu do të rriten investimet private me më se 43 për qind, si dhe ato publike – me 32 për qind dhe paga e mesme minimale do të rritet gjithashtu me 32 për qind, sqaroi znj. Canova. Sipas fjalëve të saj sfida për Bullgarinë është a do t’i absorbojmë të gjitha këto para në mënyrë efektive, sepse pas uljes së ndjeshme të investimeve të huaja për shkak të krizës, këto 16 miliarda euro janë të vetmet investime të sigurta në Bullgari. Paratë do të investohen në përmirësimin e infrastrukturës së qyteteve dhe fshatrave, në fushën e bujqësisë, në punësim, arsim, ekonomi dhe ekologji, që të rritet standardi i jetesës, si dhe fuqia blerëse e bullgarëve.
Përgatiti në shqip: Anna Kapitanova
Bullgaria do të marrë 65.2 milionë euro nga BE për një projekt për forcimin e rrjetit të transmetimit të energjisë elektrike në mbështetje të integrimit të energjisë së rinovueshme, sipas një deklarate nga Komisioni Evropian. Paratë janë pjesë e një..
Bullgaria mund të hyjë në eurozonë në fillim të vitit 2026. Sipas një studimi të Shoqatës së Tregtarëve të Mallrave Jo-Ushqimore, kjo është periudha reale në të cilën vendi ynë do të mund të përmbushë kriteret për Eurozonën. Sipas sondazhit, 25% e të..
Tregtia e produkteve bujqësore dhe ushqimore mes Bullgarisë dhe Kinës u rrit me mbi 37% në vitin 2023. Këtë e deklaroi ministri i bujqësisë dhe ushqimeve Georgi Tahov në hapjen e Forumit Bullgaro-Kinez të Biznesit në Sofje. Sipas tij, eksporti i..
Bullgaria dhe Kina vendosën marrëdhënie diplomatike me njëra-tjetrën 75 vjet më parë - në vitin 1949. Një vit më vonë, Republika Popullore e Kinës dhe..
Nga 1 tetori, Banka Kombëtare Bullgare (BNB) shtrëngon kriteret për bankat për dhënien e kredive për banesa. Vendimi i Bankës Qendrore vjen pas një analize..