Tapas – kafshata të llojeve të ndryshme, flamenkines – rrotulla të proshutës me kaçkavall, pisto – sallata e pjekur, kallamar i pjekur në pjatë, puding de kafe…Kjo është vetëm një pjesë e vogël e specialiteteve, që ofrohen në restorantin e vetëm autentik spanjoll në Sofje. Shef Pako, kuzhinieri dhe pronar i restorantit ofron një listë të gjatë me gjellët më të mira të kuzhinës së Mesdheut. Dhe të gjithë që dëshirojnë të shijojnë specialitete spanjolle patjetër duhet të frekuentojnë këtë vend. Parasë të vijë në Bullgari ai merrej me kulinari në Skoci, Belgjikë dhe Gjermani. Vendosi të provojë kësmetin e tij edhe në Sofje. Dhe këtu është prej nëntë muajve. Megjithë vështirësitë burokratike, që has, është i kënaqur dhe ka dëshirë të mbetet në Bullgari, pse jo të hapë edhe një restorant tjetër në Sofje.
Kryesorja për të është që t’u ofrojë klientëve gjella spanjolle, të cilat i ka gatuar me dashuri të madhe. Përgatitja e specialiteteve mesdhetare ka veçoritë e veta, por është e domosdoshme edhe diçka tjetër...
“Duhet të them, se nuk kam mësuar për kuzhinier. Recetat i di nga e ëma, gjellët e së cilës ishin gjithnjë shumë të shijshëm. Mendoj, se mjeshtëria për të gatuar është një gjë që vjen nga shpirti dhe nuk ndikohet nga dituritë që ka njeriu. Kam parë kuzhinierë profesional të cilët nuk mund të arrijnë nivelin e njerëzve, që gatuajnë me zemrën.”
Pse shef Pako vendosi të vijë në Bullgari?
“Punova më parë në Gjermani. Erdha në Bullgari dhe e pëlqeva shumë vendin. Zbulova, se megjithëqë kishte restorante spanjolle këtu kuzhina tipike me shijen e gjellëve spanjolle mungonte. Atëherë vendosa të vijë në Bullgari dhe të provoj fatin tim.”
Çfarë pëlqen shef Pako nga kuzhina bullgare dhe si i duket jeta në Bullgari?
“Kam shijuar shumë gjella nga kuzhina bullgare. Mund të them për shembull se supa e kukurecit gatuhet në mënyrë të ngjashme si në Spanjë. I pëlqej gjithashtu qebapët. Nëse duhet të them diçka për jetën në Bullgari, mendoj se këtu ka shumë mundësi. Më duket, se njerëzit janë pak të hidhur, ata e ndjejnë veten të gënjyer. Por mendoj, se situata do të ndryshohet. Kam dëshirë, që bullgarët të bëhen më buzëqeshur.”
Restoranti i spanjollit Pako është një vend tërheqës, ku muzika, aroma e kuzhinës së Mesdheut dhe buzëqeshja, me të cilën presin mysafirët, bënë ashtu, që njerëzit të harrojnë të paktën për disa orë telashet e tyre.
“Kemi klientë nga Amerika Latine, bullgarë, spanjollë. Por jam e habitur nga fakti, se tepër pak janë spanjollët. Kam klientë bullgarë, që kanë jetuar në Spanjë dhe njohin kuzhinën spanjolle. Atë, që më thonë të gjithë është se gjellët janë me shijen autentike spanjolle. Dhe ndoshta për këtë ndihmon, se disa prej produkteve i importojmë nga Spanja.”
Shef Pako ka dëshirë, që të organizojë në Bullgari një konkurs për gatimin e pjatës tipike spanjolle – paelën. Kjo ide lindi pasi mori një fotografi të paelës të përgatitur nga një kuzhinieri bullgar. Për të është interesante të shikojë si gjellëbërës nga mbarë Bullgaria gatuajnë një gjellë spanjolle.
Përgatiti në shqip: Svetllana Dimitrova
Fotografi: arkiv personal
Kushtet për lundrim në lumin Danub do të përmirësohen përmes projektit evropian DISMAR me vlerë 10 milionë euro, njoftoi BTA, duke cituar drejtorin ekzekutiv të agjencisë ekzekutive "Kërkimi dhe mirëmbajtja e lumit Danub" (IAPPD) në Ruse, Ivelin Zanev...
Ashtu si një jetë njerëzore 90-vjeçare, fati i kishës metropolitane “Shën Apostuj Pjetër dhe Pali” është i mbushur me ulje-ngritje, me mundime, por edhe me shpëtim. Kjo është ndoshta një nga kishat më pak të njohura në Sofje dhe në të njëjtën kohë e..
Ornitologët dhe dashamirësit e shpendëve festojnë sot Ditën Kombëtare të Shqiponjës. Me këtë rast përfaqësues të Shoqatës Bullgare për Mbrojtjen e Shpendëve prezantojnë para publikut të gjerë fakte interesante për jetën e llojeve të ndryshme të..
Bullgarët janë minoriteti i tretë më i madh në Shqipëri - sipas të dhënave të fundit të regjistrimit të popullsisë në këtë vend ballkanik. Këto janë të..
Në Bullgari, sipas të dhënave jozyrtare janë 120 mijë persona me probleme në të dëgjuarin. Shumë prej tyre nuk duan të mësojnë gjuhën e shenjave, edhe..
Fshati turistik Ribarica në rajonin e Tetevenit po pret edicionin e dymbëdhjetë të “Trabant Fest”, njoftuan organizatorët nga “Klubi Kombëtar Trabant”...