Pasi në fundin e sezonit të kaluar politik amendamentet kushtetuese të parashtruara nga Blloku i Reformatorëve në lidhje me reformën e gjyqësorit nuk u pranuan në Kuvendin e Bullgarisë, disa ditë para pushimit veror ishte depozituar një projektligj të ri me nënshkrimet e 180 deputetëve nga të gjitha partitë me përjashtim të Partisë Socialiste Bullgare dhe grupit “Ataka”.

Të mërkurën amendamentet kushtetuese ishin pranuar me 184 vota. “Pro” votuan të gjitha grupet parlamentare, me përjashtim të Partisë Socialiste. Nga formacioni i djathtë ABV siguruan simbolikisht një votë. Befasues ishte votimi i partisë “Ataka”, e cila gjithashtu përkrahi amendanetet. Ndryshimet parashikojnë ndarjen e  Këshillit të Lartë Gjyqësor në dy kolegj – një të gjyqtarëve dhe një të prokurorëve (secili do të marrë përgjegjësi për rritjen në karrierë të prokurorëve dhe gjyqtarëve). Magjistratët do të zgjidhen drejtpërsëdrejti, përforcohet roli i inspektoratit të Këshillit, do të ketë mundësi për parashtrimin e ankesave nga ana e Këshillit të Lartë të Avokatëve në Gjykatën Kushtetuese. Pasi në lexim të parë Projektligji mori votat e tri të katërtave të deputetëve, tani ka dy javë, në të cilat tekstet do të mund të përgatiten për lexim të dytë. Ka nevojë për përjashtimin e dobësive – sipas Lëvizjes për të Drejtat dhe Liritë dhe partisë ABV ka nevojë për saktësimin e ndarjes së kuotave politike dhe profesionale në kolegjin e prokurorëve. Midis dy leximeve reformatorët ndoshta do të propozojnë tekste  të lidhura me transparencën e punës së Prokurorisë dhe me mundësinë që ministri i drejtësisë të flasë në mbledhjet e dy kolegjeve të Këshillit të Lartë Gjyqësor. Nga partia GERB shpallën se po presin mendimin e shkruar të Komisionit të Venecias, pavarësisht se tashmë i përkrahën amendamentet në Parlament. Debatet provokuan kritikat e grupit parlamentar të Partisë Socialiste Bullgare.

Ka nevojë për një saktësim – amendamentet e pranuara të Kushtetutës nuk garantojnë reformën gjyqësore, por janë një premisë për të dhe shënojnë fillimin e debateve.

“Sinjalet që i dhënë ky votim, tregojnë se puna e rëndë sapo fillon – shpalli analizatori nga Qendra për Strategji Liberale Dimitër Markov. – Nga bisedimet në Kuvend bëhet e qartë se kjo është një përkrahje formale dhe ka shumë mosmarrëveshje për tekstet konkrete. Midis leximit të parë dhe të dytë do të ketë shimë bisedime. Me siguri para zgjedhjeve lokale të 25 tetorit Ligji për ndryshimin e Kushtetutës nuk do të pranohet. Mendoj se procesi vonohet qëllimisht, sepse në zgjedhjet do të bëhet e qartë raporti aktual i fuqive politike. Pastaj partitë do të ndryshojnë pozitat e tyre në varësi nga rezultatet zgjedhore. Por pavarësisht nga kjo, hapi i vogël i djeshëm në parlament mund të cilësohet si pozitiv. Sepse mungesa e tij do të thotë dështim të reformës gjyqësore.”

Përgatiti në shqip: Jordanka Ivanova