Një program i pasur me premiera muzikore dhe me vepra tashmë të njohura për publikut bullgar, dirigjentë dhe solistë bullgarë dhe të huaj, shoqërim i filmave – të gjitha ato janë vetëm një pjesë prej programit të Orkestrës Simfonike të Radios Kombëtare Bullgare gjatë sezonit të ri muzikor.
Simfonia e Parë e Bramsit dhe Koncerti për Piano dhe Orkestër nga Dimitër Nenovi me solist Ivo Vërbanov do të tingëllojnë në koncertin e parë pas pushimeve verore më 9 tetor në sallën “Bëllgarija”. Më shumë hollësi sjell dirigjenti Emill Tabakov:
Orkestra e Radios do të prezantojë 12 koncerte në dy cikle. Njëri nga kulmet do të jetë vënia në skenën e koncertit të operës “Otello” nga Verdi. Lidhur me këtë Maestro Emill Tabakov vazhdon:
“Ekzekutimi koncert i operës “Otello” do të jetë gjatë gjysmës së dytë të tetorit. Krahas këngëtares së njohur botërisht Krasimira Stojanova do të këndojë edhe tenori rumun Marius Vllad, i cili tashmë disa herë ka dalë në skenën bullgare. Vet unë kam punuar me të.”
Në programin e Orkestrës Simfonike parashikohet edhe prezantimi i veprës “Johanes Pasion” nga Johan Sebastian Bah. Ajo do të tingëllojë gjatë Javës së Madhe nën drejtimin e Dragomir Josifovit, me pjesëmarrjen e solistëve dhe Korit të Përzier të Radios Kombëtare Bullgare.
Orkestra do të befasojë publikun edhe me disa premiera. Ndër ta është kantata Dona Nobis Pacem nga kompozitori anglez Rallf Von Uiljams, me të cilën do të mbyllet sezoni i koncerteve. Në skenë bashkë me orkestrën do të dalin dy kore amerikane dhe dirigjenti amerikan Brus Çembërlejn.
Cilat janë veprat e tjera, të cilat për herë të parë do të ekzekutohen në skenë bullgare?
“Do të ekzekutojmë disa vepra të reja shumë interesante, të cilat nuk janë të njohura në vendin tonë si për shembull baleti “La Boutique Fantastique” nga Otorino Respigi mbi tema të Rosinit – tregon dirigjenti Emill Tabakov. – Për herë të parë do të ekzekutohet edhe vepra “Variacione Koncertante” nga Alberto Hinastera. Kjo është një vepër e cila jep mundësi që muzikantët e orkestrës të shfaqen si solistë.”
Gjatë këtij sezoni orkestra për herë të parë do të ekzekutojë Simfoninë e Dymbëdhjetë të Shostakoviçit. Kështu ajo do të mbyll ciklin e koncerteve me simfoni të këtij kompozitori rus, i cili gjatë viteve të fundit ishte pjesë e pandarë e repertorit të orkestrës. Sipas dirigjentit Emill Tabakov, kjo do të jetë një nga veprimtaritë kryesore në program. Përsa i përket solistëve dhe dirigjentëve mysafirë, ai shpjegon:
“Ivo Vërbanovi për herë të parë do të dalë në një skenë me orkestrën tonë në hapjen e sezonit. Parashikojmë, që pianistja e re Margarita Ilieva të ekzekutojë Koncertin e kompozitorit Allfred Shnitke. Nga dirigjentët bullgarë mysafirë do të jetë Georgi Dimitrov me dy koncerte – “Otello” dhe me pianisten me famë botërore Pllamena Mangova do të ekzekutojnë Koncertin e Parë të Bramsit. Nga dirigjentët e huaj do të përmend Vlladimir Verbicki nga Rusia, Enrike Dimeke nga Meksika dhe Brus Çembërlejn nga SHBA-ja. Në fakt nuk disponojmë shumë mundësi të ftojmë solistë dhe dirigjentë, sepse e gjithë kjo varet nga subvencionimet.”
Në afishen e koncerteve lexojmë emrat e harpistes Suzana Klinçarova, trumbetarin Petër Makedonski, violonçelistin Aleksandër Somov, të këngëtarëve Rusi Nikov, Valerij Georgiev, Gergana Rusekova, Andreana Nikollova.
Si edhe vitin e kaluar, ashtu edhe sivjet Orkestra Simfonike e Radios Kombëtare Bullgare do të shoqërojë disa shfaqje të filmave. Do të bëhemi dëshmitarë të simbiozës së re midis shfaqjes në ekran në shoqërim të orkestrëstë filmit “Zoti i Unazave” dhe të filmit “Nuni”. Krahas kësaj parashikohet edhe ekzekutimi i muzikës së disa filmave bullgarë.
Përgatiti në shqip: Svetllana Dimitrova
Ljubo Kirov është ndër yjet e muzikës bullgare që kanë mbushur sallat më të mëdha gjatë viteve të fundit. Çdo këngë e tij e re emocionon publikun, i cili ka një arsye të re gëzimi – tashmë është gati albumi i ri i këngëtarit, “Zemra e re”. Në..
Në ditët para festës së madhe të krishterë të Rrëshajave, tempulli "Shën Sofja - Urtësia e Zotit" pret edicionin e parë të Festivalit të Muzikës Shpirtërore Korale "Trisvjatuju pesn" ("Трисвятую песнь") nga 19 deri më 23 qershor. Organizatorë janë..
Ndonëse prej më shumë se 20 vitesh Magdalena Todorova Karamitevajeton me familjen jashtë vendit, kënga popullore bullgare e shoqëron kudo. Ajo është autore e dhjetëra teksteve, të cilat i shndërron në këngë, së bashku me bashkëshortin e saj -..
Një nga ngjarjet kulturore më të pritura gjatë verës në Sofje fillon nga sot. Për vitin e 13-të, festivali A to JazZ do ta transformojë Parkun Jugor 2 në..