Sipas të dhënave të fundit të Bankës Qendrore Bullgare për tetë muajt e parë të vitit investimet e huaja në Bullgari ishin 12% më pak në krahasim me të njëjtën periudhë të vitit të kaluar, kur ato arritën 1.3 mlrd euro. Kjo shumë nuk mund të krahasohet me investimet në Bullgari në fundin e dhjetëvjeçarit të parë të shekullit, kur patëm 8-9 mlrd. euro për vit. Këto para u avulluan me krizën në tregun e pronave të patundshme.  

Tani situata ndryshohet shumë dhe investimet e huaja kanë të bëjnë me mundësitë reale dhe potenciale të tregut bullgar. Të dhënat zyrtare tregojnë se deri në fundin e gushtit në Bullgari kanë ardhur kapitale të freskëta me vlerë pak më se 900 mln. euro – kryesisht nga Holanda, Franca, Austria.

Pritjet e Agjencisë Bullgare të Investimeve mbeten pozitive dhe parashikohet një rritje vjetore 5% në krahasim me vitin e kaluar. Këtë optimizëm e pohojnë analizatorët dhe vetë investitorët potencialë. Le të kujtojmë se po zbatohen (dhe ndodhen në faza të ndryshme) projekte të mëdha për përmasat e shtetit tonë. Gjatë këtij viti kishte investime të konsiderueshme në sektorin IT, vazhdon vala e „outsourcing”-ut dhe krijimi i qendrave të thirrjeve të kompanive të mëdha ndërkombëtare. Në sektorin e telekomunikimeve u realizua një kontratë e konsiderueshme, një projekt turistik francez në malin Rila po ndodhet në fazë të përparuar. Disa investitorë kinezë e zgjodhën Bullgarinë si pika e depërtimit të tyre në Evropë.  Ka interes edhe për krijimin e fabrikave për prodhimin e autopjesëve. U realizuan edhe investime të shumta në sektorin e tregtisë në Internet.

Gjatë kësaj jave u zhvillua një  konferencë ndërkombëtare për investimet, ku u bë e qartë se interesi për shtetin tonë po rikthehet në qarqet e biznesit. Arsyeja për këtë tendencë nuk mund të kërkohet në rritjen e tregut bullgar, kurse në stabilitetin politik dhe makroekonomik dhe para së gjithësh në kushtet e përmirësuara për biznes. Nuk është e rastit se shteti ynë zuri një vend të mirë për sa i përket mbrojtjes së investitorëve – pozitën e 14-të në botë në listën me autoritet Doing Business 2016: Measuring Regulatory Quality and Efficiency.

Përgatiti në shqip: Jordanka Ivanova