Gjatë javës ministri i punëve të jashtme i Bullgarisë Daniell Mitov mori pjesë në mbledhjen e Komitetit të Ministrave të Këshillit të Evropës në Strasburg. Në kuadrin e takimit diplomati i parë bullgar mori nga kolegu i tij boshnjak Igor Crnadak kryesinë e rotacionit të komitetit për periudhën nëntor 2015 – maj 2016. Kjo është kryesia e dytë e Bullgarisë pas pranimit të saj në Këshillin e Evropës në vitin 1992.

Këshilli i Evropës është organizata politike ndërkombëtare e vendeve e të ashtuquajturës Evropa e Madhe. Në të hyjnë 47 shtete me një popullsi 800 milionë veta. Këshilli është një organ me vete, që ekziston veç BE-së. Ndryshe nga BE-ja nuk ka autorizimet të hartojë ligje. Organizata punon për integrimin evropian, duke inkuadruar bashkëpunimin midis të gjitha shteteve të Evropës në fushën e drejtësisë, të drejtave të njeriut, të zhvillimit demokratik dhe të bashkëpunimit kulturor.

Duke marrë parasysh e gjithë kjo, në diskutimin e tij para Këshillit të Ministrave zoti Mitov paraqiti prioritetet dhe programin e kryesisë bullgare. Ai vuri në dukje, se ato janë në përputhje me proceset aktuale politike, që ndikojnë mbi sigurinë e Evropës. Garantimi i të drejtave të fëmijëve të konfirmuara nga Mekanizmi Kombëtar Koordinues është ndër prioritetet kryesore të Bullgarisë, theksoi ministri. Ai vuri në dukje iniciativat e parashikuara për akses në kulturën, për ndihmë të procesit të integrimit social dhe për kufizimin e shfaqjeve të racizmit dhe ksenofobisë. Diplomati i parë bullgar theksoi, se në qendrën e kryesisë do të jetë edhe pavarësia e mediave dhe liria e fjalës si elemente thelbësore të shoqërisë demokratike. “Konsolidimi dhe aplikimi i të drejtave dhe lirive kryesore kërkon përpjekje të koordinuara të përbashkëta që të përballojmë sfidat ekonomike, sociale dhe politike, që qëndrojnë para Evropës”, theksoi ministri i jashtëm bullgar. Vallë, megjithë edhe në mënyrë të tërthortë, ministri bullgar të mos e kishte parasysh përballimin e problemit më të madh para Evropës – migracionin?

Përgatiti në shqip: Svetllana Dimitrova