Niveli i produktit të brendshëm bruto të Bullgarisë gjatë këtij viti do të jetë 2.6 për qind. Kjo sipas Ministrisë së Financave. Agjencia e autoritetshme të rejtingut Moody’s ka parashikime më të mira për 2.7 për qind. Më bujar është Fondi Monetar Ndërkombëtar, i cili përcakton, se ekonomia bullgare do të shënojë një rritje gjatë këtij viti me 3 për qind. Dallimet në ato parashikime në shikim të parë nuk janë të mëdha – disa dhjetëra nga përqindja. Mirëpo, kur bëhet fjalë për një produkt të brendshëm bruto nga 45 miliard euro, çdo e dhjeta e përqindjes përbën shumë para dhe është me rëndësi të madhe. E përbashkëta është, se ato tri parashikime të vjeshtës janë më të mira se sa parashikimet e pranverës.

Çfarë i detyrohen të gjitha ato dallime të ndjeshme në vlerësimet dhe pritjet e ekspertëve.

Një çorodi ngjall vlerësimi konservator i Ministrisë Bullgare të Financave. Megjithëqë në shikim të parë parashikimi i saj është më i miri se sa ai pranveror, muajit e fundit si ministri Vlladisllav Goranov, ashtu edhe kryeministri Bojko Borisov nuk lodhën të përtëritin, se rritja ekonomike e Bullgarisë gjatë këtij viti do të jetë rekorde dhe jo më pak se sa 3 për qind. Kishte një moment, në të cilin kryeministri, të mbushur me optimizëm, fliste edhe për një shtim nga më se 4 për qind. Tani optimizmi sikur u dobësua dhe ministria e shpjegon këtë me uljen e investimeve publike, kryesisht me vonesën e subvencionimeve evropiane. Më pak e gëzueshme do të jetë tabloja vitin e ardhshëm, kur pritet, që rritja ekonomike të pezullohet.

Ndryshe nga autoritetet bullgare nga Agjencia “Moody’s” kurrë nuk kanë premtuar dhe nuk kanë parashikuar të derdhet briri i bollëkut në Bullgari. Prandaj edhe rejtingu i kreditimit të vendit është mjaftë i thjeshtë, më tepër dekurajues për investitorët potencialë. Megjithëkëtë agjencia e ripohoi rejtingun, nuk e uli, siç bëri me shtete të tjera më të pasura se sa Bullgaria. Kjo përmbajtje dhe maturi gjejnë shprehje edhe në parashikimet e agjencisë për rritjen ekonomike të vendit gjatë këtij viti. Ajo parashikon 2.7 për qind – një shtim i mirë për Evropën, por i thjeshtë për botën.

Më të habitshme janë vlerësimet e ekspertëve të Fondit Monetar Ndërkombëtar, të cilët para nja 20 ditësh ishin për inspektim në vend. Pasi kontrolluan gjithçka ata i bënë revizion parashikimet e tyre dhe treguan një rritje nga 3 për qind. Nuk është e qartë në se mbi vlerësimin e tyre ndikoi optimizmi i autoriteteve bullgare, ose zbuluan përparësi të veçanta të ekonomisë bullgare. Mirëpo, është e qartë, se tri institucionet njëzëri parathonë, se rritja dinamike po përfundon, dhe se nga viti i ardhshëm do të ketë pezullim.

Dominon qëndrimi, se shkaku kryesor për këtë është jashtë Bullgarisë. Situata e ndërlikuar ndërkombëtare provokon luhatje në rrethet e biznesit dhe maturi për realizimin e projekteve afatgjata. Është real rreziku, që një pjesë e madhe e fondeve të kohezionit të BE-së, të cilët janë burimi kryesor i investimeve publike në Bullgari, të kufizohen në mënyrë të konsiderueshme dhe mjetet të riorientohen për financimin e masave për përballimin e krizës me emigrantët. E gjithë kjo padyshim do të reflektojë mbi ekonominë bullgare, e cila është e vogël dhe tepër e ndjeshme ndaj ndikimeve nga jashtë. Mbi ekonominë bullgare ndikojnë të gjitha fenomenet dhe tendencat negative në tregjet ndërkombëtare.

Përgatiti në shqip: Svetllana Dimitrova