Vendimi i Presidentit Rosen Plevneliev për të mos emëruar qeveri teknike pasi mundësitë kushtetuese për një qeveri të dytë të rregullt në kuadrin e këtij Parlamenti u shteruan, shkaktoi konfrontime të ashpra politike. Deri në zgjedhjet para afatit mbetet pak kohë dhe ky ton do të mbetet edhe në fushatë.
Kreu i porsazgjedhur i shtetit Rumen Radev iu shmang propozimit të Presidentit Plevneliev për ta caktuar ai përbërjen e kabinetit teknik dhe e bëri këtë me ton të rreptë, duke shënuar se argumentet politike dhe motivacioni personal i Plevnelievit i shkelin rregullat kushtetuese, kurse patosi dhe qëllimet e mira nuk e zëvendësojnë ligjin. Rumen Radev edhe para kësaj kishte refuzuar për t’u angazhuar me vendime para se të hyjë në detyrë zyrtarisht, por nuk kishte përdorur një ton të tillë. Lideri i ABV-së dhe ish President i Republikës Georgi Përvanov gjithashtu foli me ton shumë të rreptë kundër Plevnelievit, duke e akuzuar Kreun e tanishëm të Shtetit se i ka shkelur rregullat e Kushtetutës. Edhe ai si Radev komentoi rreptas se Rosen Plevneliev shpëtohet nga impeachment për shkak të mungesës së kohës deri në fund të mandatit të tij, por duhet të ketë përgjegjësi serioze morale dhe politike shtetërore. Akuza ndaj Rosen Plevnelievit drejtuan edhe nga Partia Socialiste Bullgare. Sipas socialistëve duke refuzuar të emërojë qeveri teknike Presidenti i tanishëm përpiqet të krijojë një situatë të pakontrolluar dhe ta thellojë krizën. Partnerët në koalicionin në pushtet, GERB dhe Blloku i Reformatorëve, koalicion ky i cili së shpejti nuk do të jetë në pushtet, Fronti Patriotik, i cili i përkrahte, si dhe Lëvizja për të Drejtat dhe Liritë në opozitë zunë një pozitë krejt të ndryshme. Sipas tyre Presidenti Plevneliev ka vepruar në mënyrë të përgjegjshme dhe sjellja e tij në situatën konkrete është krejtësisht adekuate. Bashkëkryetari i Frontit Patriotik Valeri Simeonov gjithashtu foli rreptas, por ndaj Kreut të porsazgjedhur të Shtetit Rumen Radev, duke deklaruar se ai sillet si frikacak dhe një njeri jokompetent. Një reaksion i tillë është në kundërshtim të pozitës së Kryeministrit në dorëheqje, Bojko Borisov, i cili është edhe lider i GERB-it, se kundër Radevit nuk mund të ketë qortime për shkak të refuzimit të tij për të marrë pjesë në procedurën formale të emërimit të qeverisë teknike, sepse aktualisht ai nuk ka të drejta të tilla. Mirëpo, deputetët nga Fronti Patriotik e kritikuan edhe Borisovin, duke deklaruar se ai ka bërë rekomandime për të mos u krijuar një qeveri e dytë në kuadrin e këtij Parlamenti, sepse nuk mund të pranojë se mund të ketë udhëheqje të suksesshme të vendit pa pjesëmarrjen e tij.
Ndërkaq, megjithëse s’ka të ngjarë të zhvillohen zgjedhje para afatit sipas rregullave të sistemit mazhoritar në dy raunde, sipas dëshirës së 2.5 mln zgjedhësve, anëtarët e komitetit të iniciativës për referendumin shpallën një projekt për ndarjen e re të vendit në rajone të veçanta, në qoftë se aplikohet një sistem i tillë. U aktivizuan edhe iniciatorët e projektit të ri politik të ish Ministrit të Drejtësisë Hristo Ivanov, të quajtur “Po Bullgaria”, duke shpallur se do të themelojnë gjatë janarit një formacion, i cili të marrë pjesë në zgjedhje. Qëllimi i madh i projektit është demontimi i modelit të korrupsionit dhe asgjësimi i varfërisë, kurse iniciatorët kanë qëllim në emër të këtij projekti të veprojnë të bashkuar me forca të tjera politike, pa pretenduar për orientim të djathtë, ose të majtë. Siç shprehu Kryeministri Borisov, beteja do të jetë në të ardhmen e afërt. Mirëpo, toni i ashpër gjatë disa ditëve të fundit krijon ndjenjën se i presim zgjedhjet sikurse bëhet fjalë për një luftë të vërtetë.
Përgatiti në shqip: Vesella Mançeva
Shkupi pretendon se Bullgaria nuk ka një projekt për lidhje hekurudhore përgjatë Korridorit nr.8 Ndërtimi i linjës hekurudhore nga Kriva Pal в anka deri në Bullgari përgjatë Korridorit nr. 8 mund të humbasë financimin nga BE-ja për shkak..
Kreu i shtetit Rumen Radev bëri thirrje për veprime konkrete të menjëhershme nga qeveria bullgare dhe institucionet evropiane për respektimin e parimeve evropiane për zgjerimin e Bashkimit Evropian. “Qeveria e re në shtetin tonë fqinj ka treguar..
Festa e Frymës së Shenjtë në Bullgari shënohet edhe si Dita e Maqedonisë. Tradita filloi pas Kryengritjes së Ilindenit të vitit 1903, pasi fillimisht ishte Dita e Luftës për Maqedoninë dhe Edrenenë, dhe pas Luftës së Parë Botërore u bë "Dita e..
Shkupi pretendon se Bullgaria nuk ka një projekt për lidhje hekurudhore përgjatë Korridorit nr.8 Ndërtimi i linjës hekurudhore nga Kriva Pal..