Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Snoubordistët bullgarë treguan një formë të mirë në garat për Kupën Botërore në Bansko

БНР Новини

Fundjava u soli tifozëve të sporteve dimërore përjetime të paharrueshme. Në Bansko të Bullgarisë u zhvilluan startet e Kupës Botërore të Snoubordit. Ylli bullgar i këtij sporti te meshkujt Radosllav Jankov, që ditën e parë të rivalizimit nuk arriti të kalojë kualifikimet në sllallomin paralel vigan. Kështu në startin e parë të kësaj disipline fitues u bë kanadezi Xhejsi Xhej Andersën (Jasey Jay Anderson), ndjekur nga Nevin Gallmarini (Nevin Galmarini) nga Zvicra dhe italiani Edvin Korati (Edwin Coratti).

Radosllav Jankov

Ditën e diele 28 vjeçari Jankov u solli gëzim admiruesve të tij të shumtë, duke u klasifikuar i katërti në sllallomin paralel vigan. Ai kapërceu kualifikimet duke përfunduar të shtatin, gjë pas së cilës mundi snoubordistët Kaspar Fllueç (Kaspar Fluetsch) nga Zvicra dhe Rok Marguç (Rok Marguc) nga Sllovenia. Në gjysmëfinalen Radosllav Jankov humbi nga Edvin Korati, i cili gjatë kësaj stine prezantohet shumë mirë. Në finalin e vogël bullgari humbi nga kampioni i dyfishtë botëror Andreas Promeger (Andreas Prommegger) nga Austria. Fitues te burrat në klasifikimin përfundimtar u bë Nevin Gallmarini – lider edhe në renditjen për kupën botërore.

Para mediave Jankovi pranoi, se ishte pak i shqetësuar nga dëshira për të justifikuar shpresat e mëdha të publikut bullgarë. Në këtë sfond ai shprehu kënaqësi nga prezantimi dhe qetësi para Olimpiadës Dimërore.

Teodora Pençeva

Në sllallomin e dytë paralel vigan te femrat në Bansko bullgarja Teodora Pençeva, e cila nuk kaloi kualifikimet ditën e parë, u klasifikua në vendin e 25-të. Ky ishte prezantimi i saj më i mirë për këtë stinë. Fituese u bë Julija Duimcova (Julia Dujmovits) nga Austria. Në vendin e dytë dhe të tretë mbetën përkatësisht gjermanet Ramona Hofmajster (Ramona Theresia Hofmeister) dhe Selina Jorg (Selina Joerg).

Aleksandra Zhekova

Aleksandra Zhekova meritoi admirimet e publikut, duke fituar finalin e vogël në disiplinën sprint bordërkros. Pas prezantimit të mirë bullgarja arriti gjysmëfinalet, por mbeti e pesta në serinë dhe nuk u radhit për finalin e madh. Në finalin e vogël Zhekova u prezantua shumë mirë dhe në klasifikimin e fundit zuri vendin e shtatë. Garën e fitoi francezja Sharllot Bank (Charlotte Bankes), ndjekur nga bashkatdhetaria Nelly Moenne dhe italiania Mikella Mojolli (Michela Moioli).

Startet e fundjavës në Bansko ishin një trajnim për sportistët bullgarë para Lojërave Dimërore Olimpike në Pjongçang gjatë shkurtit. Snoubordistët më të mirë bullgarë Zhekova dhe Jankov ripohuan faktin, se janë në një formë të shkëlqyeshme para garës më të madhe botërore.

Përgatiti në shqip: Svetllana Dimitrova

Foto: BTA



Последвайте ни и в Google News Showcase, за да научите най-важното от деня!

Më shumë nga rubrika

Viktoria Tomova

Viktoria Tomova nis me një fitore në turneun e tenisit në Bari

Tenistja më e mirë bullgare Viktoria Tomova, arriti një fitore vendimtare në fillim të turneut WTA 125 në argjilë me një fond çmimesh prej 100 mijë eurosh në qytetin italian të Barit. Bullgarja mundi spanjollin Giomar Maristani Suleta de Reales me 6:0,..

botuar më 25-06-04 10.27.PD
Elizara Janeva dhe Rosica Dençeva

Tre bullgarë të rinj kapërcyen raundin e parë të Roland Garros

Rosica Dençeva pati një fillim të shkëlqyer në Kampionatin e Hapur të Francës. Në njëshe për vajza, ajo mundi Kristina Peniçkova nga Shtetet e Bashkuara, e renditur e dyta në skemë, me rezultatin 6:4, 6:1. Një tjetër bullgare u kualifikua për..

botuar më 25-06-02 4.06.MD

Plovdivi është kryeqyteti i kanotazhit evropian deri më 1 qershor

Kampionati Evropian i Kanotazhit për meshkuj dhe femra u hap zyrtarisht në Bazën e Kanotazhit në Plovdiv. Kampionati Evropian do të mbahet nga 29 maji deri më 1 qershor dhe do të përfshijë 800 kanotierë nga 33 vende. Në ceremoni, Presidentja e..

botuar më 25-05-29 9.27.PD