Në kuadrin e vizitës së vet zyrtare në Zvicër Presidenti bullgar Rumen Radev diskutoi me homologun e tij zviceran Uli Maurer bashkëpunimin mes Sofjes dhe Bernit në fushën e ekonomisë, investimeve, sigurisë dhe migracionit. Dy presidentët u morën vesh për të punuar për vazhdimin e programit bullgaro-zviceran për bashkëpunim edhe pas vitit 2019. Programi filloi gjatë vitit 2010 dhe në kuadrin e tij vendi ynë ka marrë 72 mln frangë zvicerane.” Programi është i vlershëm për ne jo vetëm për shkak të përkrahjes financiare, por edhe për shkak të ekspertizës në disa fusha si siguria, superioriteti i ligjit, stabiliteti i reformave, luftimi kundër kriminalitetit të organizuar, terrorizmit dhe korrupsionit, integrimit social dhe arsimit”, theksoi Presidenti Radev. Bullgaria shprehu dëshirë që në një etapë tjetër te ne të krijohet një qendër zvicerano-bullgare për inovacione.