Me rastin e 8 marsit Ambasadorja e Republikës së Shqipërisë në Sofje Donika Hoxha organizoi në hollin kryesor të ambasadës një takim të grave shqipfolëse që jetojnë në kryeqytet. Ndër të ftuarit ishin përfaqësuese të rretheve universitare, ish-diplomate, bashkëshortet e diplomatëve aktual nga Shqipëria dhe Kosova, shqiptare, të cilat prej vitesh jetojnë me familjet e tyre në Sofje dhe zhvillojnë biznese kështu, gazetare, studente. Ishte e pranishme bashkëshortja e veprimtarit të madh të kulturës shqiptare Thoma Kacori Violeta Kacori.

Znj. Hoxha shprehu gatishmëri për organizimin e takimeve të tilla në të ardhmen me qëllim shkëmbimin e ideve për aktivitete të ndryshme për promovimin e Shqipërisë në Bullgari, për krijimin e një komuniteti më të fortë dhe më aktiv shqiptar dhe për forcimin e kontakteve mes njerëzve të lidhur në mënyra të ndryshme me Shqipërinë dhe Kosovën.