Një mbledhje e Këshillit Konsultativ për Sigurinë Kombëtare, e thirrur nga Presidenti Rumen Radev, që të diskutojë masat kundër korrupsionit, nuk miratoi deklaratën e përbashkët të propozuar nga ai. Sipas Radevit kjo u detyrohet dallimeve në vlerësimet për efikasitetin e Komisionit Antikorrupsion, të kontrollit parlamentar mbi punën e tij dhe të bazës normative në veprim për kundërveprim ndaj korrupsionit në nivelet e larta të pushtetit. Presidenti është kategorik se skandali këto ditët e fundit lidhur me marrjen e banesave me çmime shumë të ulëta nga disa përfaqësues të pushtetit është shenjë për krizën në udhëheqjen e shtetit. Kryetarja e Grupit Parlamentar të GERB-it Daniella Daritkova vuri në dukje se projektdeklarata e propozuar nga Presidenti ka përmbajtur “inspirime dhe konkluzione, të cilat nuk i përgjigjen realitetit, por u përgjigjen interesave të veçanta politike.” Liderja e Partisë Socialiste Bullgare Kornelia Ninova komentoi se projektin e kanë përkrahur vetëm socialistët.