Gjykata e specializuar la në paraburgim afaristin Minju Stajkov, i cili ka biznes të madh për prodhimin e alkoolit. Ai është i akuzuar se ka drejtuar dhe ka marrë pjesë në një grup të organizuar kriminal prej 8 vetave për prodhimin e cigareve dhe kryerjen e tregtisë me to pa pagimin e akcizës, për shkelje tatimore penale, pastrimin e parave të pista dhe keqpërdorimin e fondeve të BE. Sipas prokurorisë, mashtrimet me mjetet e ofruara nga Bashkimi Evropian me vlerë 2,5 milionë euro janë bërë në kuadrin e dy programeve për ndihmë financiare. Aktualisht po kontrollohet nëse nëpunësit e Fondit Shtetëror “Bujqësia” kanë marrë pjesë në këto mashtrime, rezultati prej të cilave duhej të ishte përvetësimi i më shumë se 9 milionë eurosh.