Presidenti bullgar Ruman Radev dekoroi Unionin e Gazetarëve Bullgarë me çmimin “Shenjtorët Kirill dhe Metodij”. Në ceremoninë e kremtimit të përvjetorit të 175-të të themelimit të botimit të parë periodik “Ljubosllovie” dhe të 125-të vjetorit të lëvizjes së organizuar të gazetarëve, Radevi tha se asnjë epokë nuk është e favorshme për gazetarinë. Ai nënvizoi se sot ka personalitete, të cilët dinë se gazetaria është para së gjithësh mision dhe pastaj – profesion. Kryetarja e Unionit të Gazetarëve Bullgarë Snezhana Todorova bëri thirrje për dialog me pushtetin legjislativ dhe për respektimin e pozitave të gazetarëve në miratimin e ndryshimeve legjislative, të cilat organizojnë veprimtarinë e mediave në Bullgari.