Pllamena Mileva ëndërron për fotografi nën ujë me peshkaqenë

botuar më 19-06-01 1.45.MD

Tanimë 8 vjet Pllamena Mileva zhytet në thellësitë e deteve dhe të oqeaneve, duke xhiruar bukurinë e tyre përrallore. Fotografinë e parë nën ujë ajo ia bën djalit të saj tre muajsh, që të ruajë për gjithmonë ndjenjat më të bukura të nënës. Dhe me qenë se për nga arsimi është piktore,hobi i saj gjithmonë e tërheq drejt ujit. Kështu ajo vendos të bashkojë dashurinë e vet ndaj të dyjave në profesion. Kështu fillon të bëjë fotografi, kurse kreativiteti i saj vihet re dhe vlerësohet me afro 50 dekorata ndërkombëtare – ajo e fundit nga konkursi botëror për fotografi nën ujë në Dusseldorf. Vë dhe rekord për fotografi artistike në një thellësi të madhe prej 33 metrave.

"Përgatitja e xhirimeve të fotografive nganjëherë zgjat disa muaj kurse në të merr pjesë një ekip i madh – tregon Pllamena.

Planifikojmë se ku dhe në çfarë kohe të xhirojmë, nëse të jetë me akualang ose me një aparat CPAP që përdoret për sëmundjen apnea /Continuous positive airway pressure/, studiojmë kushtet klimatike, nëse ka rryma nën ujë, i bëjmë një test stilizimit dhe makijazhit. Përpara vet sesionit të fotografive organizojmë një konferencë dhe saktësojmë disa hollësira, të cilat duhet t’i bëjmë nën ujë, në qoftë se nevojitet ndonjë farë ndryshimi në procesin e punës. Kurse në vet ditën e fotografive ngrihem herët në mëngjes dhe ha një mëngjes fare të lehtë, pas së cilës i bëj makijazh modelit /me një makijazh që i reziston ujit/ bëj stilizimin dhe i drejtohem objektit të punës."

Gjatë vitit 2014 fotografja fiton vendin e tretë në kampionatin fotografik botëror nënujor në qytetin izraelit Ejlat me idenë origjinale të përdorë dritë të larmishme nën ujë. Për këtë qëllim bën stilizimin e një kandili deti me ndriçim LED të integruar, të vënë në veprim me bateri të vendosur pas shpinës së vajzës-model dhe fotografon gjatë natës. Dhe sikurse nga qielli i zi zbret një fantazmë – një krijesë fine nga thellësitë, që vallëzon rreth belit të një amazone dhe me tentakulat i rrethon këmbët e saj në ngjashmëri të pushit të mjellmës. Nga qielli ndriçojnë dy planetë në ngjyra të spikatura.

"Fotot na paraqesin një botë përrallore, mbase sepse nën ujë biem në zero-gravitet – mendon Pllamena Mileva. Kur drita kalon përmes sipërfaqes së ujit si përmes pasqyrës, ajo thyhet, fillon të dridhet mbi figurën njerëzore dhe kjo krijon ndjenjën për një anë mistike. Përveç kësaj mjedisi i ujit gjithmonë jep një ngjyrim si në bojë qielli ose në të jeshilët, të cilin duhet ta “qetësosh” dhe pas kësaj të kthesh spektrin me ngjyra me një ndriçim suplementar. Dhe në qoftë se e ndjek objektin e vet mirë, atëherë kjo magji përrallore bëhet edhe më e madhe."

Por, a mundet pa ndihmën e “sundimtarëve” të mbretërisë detare, të bëhet një fotografi e mirë?

"Në ujë ti je mysafir dhe duhet ta shikosh këtë mjedis si diçka, e cila i ka hapur dyert e tij për ty -përgjigjet fotografja.Në qoftë se fiton besimin e çdo një kafshëze, ajo zbutet dhe vjen më afër teje. Por, në qoftë se kjo nuk ndodh, nuk ka sesi të afrohesh deri tek qeniet e nënujore dhe të bësh një foto speciale. Kështu që fillimisht ato duhet të të pranojnë, të të afrojnë ndaj vetes së vet, kurse kjo shpesh do kohë."

Aq më tepër kur bëhet fjalë për peshkaqenë – nisma e radhës por dhe më e rrezikshme e ardhshme e Pllamena Milevës.

"Kjo është një ëndërr e përbashkët me Xhesikën, modeli ynë spanjoll për të cilën qenia më e shkëlqyer është peshkaqeni – shton ajo. Del se peshkaqenët nuk janë dhe kaq të etur për gjak dhe ajo të cilën ne e shikojmë në televizion ose të cilën e lexojmë për ta, nuk është një e vërtetë në njëqind për qind. Kuptohet që disa lloje janë më të rrezikshme se të tjerat, por në qoftë se njeriu nuk i sfidon, nuk do të sillen keq. Në fakt është shumë rrezikshëm të xhirosh akoma shumë kafshë të tjerë nën ujë, prandaj dhe duhet të jesh shumë mirë i informuar."

Përveç se fiton konkurse botërore me foto nga destinacionet ekzotike, Pllamena Mileva hyn dhe në botën e modës, duke përdorur fotografinë nënujore. Përpara ca kohe ajo përfundojë sesionin e fotografive për shtëpinë e modës Carducci, duke i dhënë një pamje të re reklamës.