Rusia është një partner strategjik i Bullgarisë në energjetikë. Këto janë fjalë të Ministres së Energjetikës Temenuzka Petkova. Në Sofje në edicionin e pestë të grupit të punës të energjetikës të Komisionit ndërqeveritar bullgaro-rus për bashkëpunim ekonomik u shqyrtua zhvillimi i infrastrukturës së transferimit të gazit nga kufiri turk deri në atë bullgaro serb. U nënvizua rëndësia e ndërtimit të qendrës së shpërndarjes së gazit në Bullgari dhe fakti se furnizimet e gazit rus janë një prej burimeve për funksionimin e saj. Pala bullgare i ka informuar partnerët e saj rusë për procedurën e zgjedhjes së investitorit strategjik për centralin atomik “Belene”. Jemi duke shqyrtuar seriozisht mundësinë për pjesëmarrje të “Rosatom” në projekt”, tha Zëvendësministri i energjetikës Anatolij Janovskij.