Me 117 vota “pro”, 90 – “kundër” dhe asnjë të abstenuar parlamenti miratoi në lexim të parë uljen e subvencionimit partiak nga 5.62 në 0.51 euro për një votë të fituar në zgjedhje. Propozimi u miratua me votat e Partisë GERB, Koalicionit “Patriot të Bashkuar” dhe Partisë “Volja”. Partia Socialiste Bullgare dhe Lëvizja për të Drejta dhe Liri ishin kundër. Lëvizja për të Drejta dhe Liri tha, se midis dy leximeve do të bëjë propozim për 0 leva për votë. Kjo do të bëhet shkak për zhdukjen e partive politike dhe do të kërcënojë demokracinë, tha socialisti Dragomir Stojnev. U lodhëm të jemi “mbrojtës” i subvencionimeve partiake, theksoi Toma Bikov nga Partia GERB. Ai rikujtoi, se subvencionimi nga 0.51 euro për votë ishte dëshira e më se 2.5 milion njerëzve, të cilët votuan në një referendum kombëtar.