Gjatë vitit 2018, bullgarët kanë qenë me mundësi më të dobëta për konsum të mallrave dhe të shërbimeve në Bashkimin Evropian, tregon indeksi për konsumin real individual (AIC). Bullgaria për vit të katërt të radhës është në vendin e fundit me 56% nga konsumi mesatar për Bashkimin Evropian, derisa Luksemburgu është në krye me tregues 132%, informon Eurostat. Konsumi real individual (AIC) është matës i mirëqenies materiale të ekonomive familjare, ku statistika llogarit aftësinë blerëse dhe të dhënat për Produktin e Brendshëm Bruto për frymë të popullsisë. 10 vende-anëtare kanë pasur Konsum real individual (AIC) mbi mesatarin për Bashkimin Evropian, derisa në 18 të tjerat ai është nën nivelin mesatar. Përpara Bullgarisë janë Kroacia, Hungaria dhe Rumania përkatësisht me AIC prej 63%, 64% dhe 70%.