Shoferët bullgarë mendojnë se nuk ngasin automjetet e tyre në mënyrë që të provokojnë aksidente dhe sipas tyre pjesëmarrësit e tjerë në qarkullim janë ata që i shkaktojnë situatat e rrezikshme. Këtë e tregojnë rezultatet e studimit të dytë kombëtar “Indeksi i drejtimit të sigurt”, në të cilin kanë marrë pjesë mbi 56 000 veta. Gjatë vitit 2018 në rrugët e vendit numri i aksidenteve rrugore ka qenë 6000, kurse ai i të vdekurve – 600. Çdo ditë në aksidente të tilla vdesin nga 1-2 veta. 93% e aksidenteve janë në sajë të gabimeve të shoferëve dhe shkelja më e shpeshtë e rregullave të qarkullimit rrugor është shpejtësia e tejkaluar.