Kryetarët e parlamenteve të Bullgarisë dhe të Qipros – Cveta Karajançeva dhe Dhimitris Siluris, shqyrtuan në Sofje bashkëpunimin dypalësh. Zonja Jançeva komentoi se të dyja vendet mund të ofrojnë një produkt të përbashkët turistik. Sipas fjalëve të saj bashkësia bullgare në ishull dhe studentët e Qipros në Bullgari janë një urë mes dy vendeve tona. Siluris shprehu mirënjohjen e vet se pas ndarjes së Qipros Bullgaria u ka dhënë punë mijëra qipriotëve. Fakti se sot Qiproja u jep mundësi për punësim shtetasve bullgarë është shpërblimi më i vogël për ndihmën e dhënë bullgare në të kaluarën, shtoi mysafiri.

Kryetari i parlamentit të Qipros Dhimitris Siluris u takua me presidentin Rumen Radev, i cili e falënderoi për këtë se shteti i tij ishte ndër shtetet e para anëtare të Bashkimit Evropian, të cilat ratifikuan aderimin e Bullgarisë dhe hapën tregun e vet të punës për punëtorët bullgarë.